Bankaŭskija kamisii za kredyt admieniać u 2013 h.

29 č

ervienia saviet respubliki ŭchvaliŭ prajekt zakona ab uniasieńni papravak u Bankaŭski kodeks. Pałata pradstaŭnikoŭ pryniała prajekt hetaha zakanadaŭčaha akta 27 červienia.

Pradstaŭlała zakonaprajekt členam savieta Respubliki staršynia praŭleńnia Nacyjanalnaha banka, člen vierchniaj pałaty parłamienta Nadzieja Jermakova.

Pavodle jaje słoŭ, zakonaprajekt skiravany na ŭdaskanaleńnie norm Bankaŭskaha kodeksa z ulikam mižnarodnych standartaŭ u śfiery bankaŭskaha zakanadaŭstva, aktaŭ prezidenta i pravaprymianialnaj praktyki. Na asnovie rekamiendacyj Mižnarodnaha valutnaha fondu i Suśvietnaha banka praduhledžvajecca ŭzmacnieńnie apieracyjnaj i finansavaj niezaležnaści Nacyjanalnaha banka Biełarusi, udaskanalvajucca pracedury ŭ śfiery nahladu za ažyćciaŭleńniem bankaŭskaj dziejnaści, a taksama na kansalidavanaj asnovie za dziejnaść bankaŭskich hrup i bankaŭskich chołdynhaŭ.

Za Nacbankam zamacoŭvajecca novaja funkcyja — ažyćciaŭleńnie manitorynhu finansavaj stabilnaści, abjektami jakoha buduć źjaŭlacca nie tolki banki i niabankaŭskija kredytna-finansavyja arhanizacyi, ale i finansavyja pasredniki, finansavyja rynki i płaciežnaja sistema ŭ cełym.

U metach dalejšaj libieralizacyi ekanamičnych adnosin zakonaprajektam praduhledžvajecca spraščeńnie pracedur dziaržaŭnaj rehistracyi i licenzavańnia bankaŭ. Pry hetym praduhledžvajecca, što banki mohuć stvaracca vyklučna ŭ formie akcyjaniernych tavarystvaŭ, a taksama ŭstanaŭlivajucca žorstkija patrabavańni da karparatyŭnaha kiravańnia i kiravańnia ryzykami, ažyćciaŭleńnia ŭnutranaha kantrolu i aŭdytu.

Aprača taho, zamacoŭvajecca vyznačeńnie paniaćcia "elektronnyja hrošy" — heta lehalizuje abarot takich srodkaŭ płaciažu, a taksama admianiajucca kamisijnyja i inšyja płaciažy za karystańnie kredytam (aprača pracentaŭ za karystańnie kredytam), što ciahnie prazrystaść i pradkazalnaść adnosin banka z klijentami.

Upieršyniu na zakanadaŭčym uzroŭni zamacoŭvajecca vyznačeńnie terminu "staŭka refinansavańnia". Pad im padrazumiavajecca staŭka Nacbanka, jakaja źjaŭlajecca bazavym instrumientam rehulavańnia ŭzroŭniu pracentnych stavak na hrašovym rynku i słužyć asnovaj dla ŭstanaŭleńnia pracentnych stavak pa apieracyjach davańnia likvidnaści bankam.

Dakumient taksama praduhledžvaje zakanadaŭčaje zamacavańnie paniaćcia "matyvavanaje mierkavańnie" pry ažyćciaŭleńni Nacbankam bankaŭskaha nahladu. Pad im padrazumiavajecca farmalizavanaje, łahična abhruntavanaje prafiesijnaje mierkavańnie rabotnikaŭ Nacbanka, jakoje moža źjaŭlacca padstavaj dla pryniaćcia rašeńniaŭ pa ažyćciaŭleńni bankaŭskaha nahladu praŭleńniem Nacbanka i jaho słužbovymi asobami.

Viačasłaŭ Budkievič, BiełaPAN.

• 0
• 0
• 0
• 0
• 0
• 0
• 0
• 0