Pavyšeńnie tempieratury vady i pavietra stvaraje aptymalnyja ŭmovy dla razmnažeńnia i nazapašvańnia bolšaści uzbudžalnikaŭ kišačnych infiekcyj. Pra toje, što treba rabić, kab paźbiehnuć charčovych atručvańniaŭ i vostrych kišačnych infiekcyj (VKI), raskazali ŭ Respublikanskim centry hihijeny, epidemijałohii i hramadskaha zdaroŭja (RCHEiHZ).
Śpiecyjalisty adznačyli, što ryzyka charčovaha atručvańnia i VKI padvyšajecca, kali nie vykananyja praviły pryhatavańnia ježy, parušany tempieraturny režym pry zachoŭvańni praduktaŭ charčavańnia. Peŭnuju niebiaśpieku ŭjaŭlajuć stravy, što pryhatavanyja bieź ciepłavoj apracoŭki i ŭžyvajucca ŭ chałodnym vyhladzie.
U RCHEiHZ padkreślili, što ŭ haračaje nadvorje, nieabchodna źviartać asablivuju ŭvahu na termin prydatnaści i ŭmovy zachoŭvańnia miasnych paŭfabrykataŭ, varanaj kaŭbasy, sałataŭ, tvarahu, małaka, pirožnych i inšych praduktaŭ, jakija chutka psujucca. «Pry najmienšym padozrańni, što chaładzilnaje abstalavańnie pracuje nieefiektyŭna, ad kupli lepš admovicca», — skazali ŭ RCHEiHZ.
Akramia taho,
śpiecyjalisty zaklikali ahladać ŭpakoŭku małočnych i kisłamałočnych praduktaŭ, sokaŭ, sałataŭ pramysłovaj vytvorčaści, bo, kali jana paškodžanaja, termin prydatnaści takich praduktaŭ, jak praviła, značna skaračajecca.A jašče pieraścierahli ad nabyćcia praduktaŭ u vypadkovych asob u miescach niesankcyjanavanaha handlu.
Pierad tym jak pačyścić mandaryny, apielsiny, banany, kivi i inšuju sadavinu i harodninu, nieabchodna abaviazkova pamyć ichpad pratočnaj abo hatavanaj vadoj. «Sprava ŭ tym, što jany prachodziać praciahły etap transparciroŭki, u pracesie jakoha mahčyma ich zabrudžvańnie ŭzbudžalnikami VKI», — rastłumačyli ŭ RCHEiHZ.
U centry parekamiendavali być taksama aściarožnymi z rańnimi harodninaj i bachčavymi, pakolki vytvorcy čaściakom, kab paskoryć ich paśpiavańnie, užyvajuć chimičnyja ŭhnajeńni.
Pryčynaj charčovaha atručvańnia abo VKI moža taksama stać niajakasnaja vada.Dla pićcia nieabchodna vykarystoŭvać hatavanuju abo butylavanuju vadu, nahadali śpiecyjalisty. «Adpačyvajučy na pryrodzie, nie varta pić vadu z krynic. Kupacca treba tolki ŭ vadajomach, dazvolenych dla arhanizavanaha adpačynku, imknučysia pry hetym nie hłytać vadu», — Dadali ŭ RCHEiHZ.
Tym, chto ŭ kaho źjavilisia boli ŭ žyvacie, młosnaść, ni ŭ jakim razie nielha zajmacca pryhatavańniem ježy,padkreślili ŭ centry. U takich vypadkach nieabchodna terminova źviarnucca pa miedycynskuju dapamohu.
Kamientary