Aŭstryjcy QR-kodami zmahajucca za biblijateku
Dva entuzijasty stvaryli dla žycharoŭ aŭstryjskaha horada Kłahienfurt virtualnuju biblijateku z dostupam praz QR-kody.Inicyjatyva nosić nazvu Projekt Ingeborg pa imieni aŭstryjskaj piśmieńnicy Inhieborh Bachman — litaraturnaja premija jaje imia ŭručajecca ŭ Kłahienfurcie štohod.
Aŭtary prajekta žurnalist Hieorh Cholcer (Georg Holzer) i prahramist Bruna Chaŭcienbierhier (Bruno Hautzenberger) raskleili ŭ Kłahienfurcie 70 žoŭtych nalepak. Na kožnuju ź ich naniesieny štrychkod, jaki možna sčytać smartfonam, płanšetam abo inšaj pryładaj.
Nalepki taksama ŭtrymlivajuć radyjočastotnuju paznaku, na jakuju reahujuć aparaty z modulami biespravadnoj suviazi NFC.
Usie tvory majuć status hramadskaha zdabytku i mohuć raspaŭsiudžvacca biez abmiežavańniaŭ. Teksty pradstaŭlenyja “Prajektam Hutienbierha” i internet-kramaj Amazon.U kodzie i ŭ paznakach zašyfravanaja spasyłka na toj ci inšy kłasičny litaraturny tvor.
Miesca, dzie znachodzicca nalepka, jak praviła, źviazanaje z kantekstam zašyfravanaha ŭ joj tvora. Naprykład, stykier sa spasyłkaj na apovied Artura Šniclera “Zabojca” źmieščany pobač z palicejskim učastkam.
Pa zajavie Cholciera i Chaŭcienbierhiera,
prajekt, akramia raspaŭsiudžvańnia litaraturnych tvoraŭ, stavić pierad saboj jašče niekalki metaŭ. Adna ź ich — zaklik da abmierkavańnia prablemy aŭtarskich pravoŭ, a druhaja — akcent na adsutnaści ŭ Kłahienfurcie haradskoj biblijateki.
Pa sučasnych aŭstryjskich zakonach, tvor robicca hramadskim zdabytkam praz 70 hadoŭ paśla śmierci aŭtara. Cholcier i Chaŭcienbierhier prapanujuć skaracić hety termin. U Kłahienfurcie niama biblijateki navat niahledziačy na štohadovy fiestyval.
Pieršyja nalepki z QR-kodami źjavilisia ŭ horadzie 2 lipienia. U žniŭni Cholcier i Chaŭcienbierhier chočuć pašyryć inicyjatyvu i dadać stykiery sa spasyłkami na tvory sučasnych miascovych piśmieńnikaŭ i muzyčnych vykanaŭcaŭ.
QR-kody šyroka vykarystoŭvajucca ŭ jakaści sposabu dastaŭki dadatkovaj infarmacyi pra toj ci inšym abjekt.Naprykład, ułady Maskvy raźmiaścili ich na niekatorych histaryčnych budynkach. Spasyłka ŭ kodzie viadzie na veb-staronku z daviedkaj ab budynku.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary