Kavalenka atrymaŭ dazvoł na doŭhaterminovaje spatkańnie sa svajakami
Viciebski aktyvistKansiervatyŭna-chryścijanskaj partyi — BNF Siarhiej Kavalenka, jaki adbyvaje pakarańnie ŭ mahiloŭskaj kałonii № 19, atrymaŭ dazvoł na doŭhaterminovaje spatkańnie sa svajakami. Pra heta BiełaPAN paviedamiła žonka Siarhieja Kavalenki Alena.
Pavodle jaje słoŭ, pra spatkańnie Siarhiej Kavalenka napisaŭ joj u liście. «Spatkańnie pavinna być doŭhaterminovym, z 24 pa 27 lipienia. Adnak, u suviazi z tym, što Siarhiej užo źjaŭlajecca złosnym parušalnikam režymu, ja apasajusia, kab hetaje spatkańnie nie skaracili da adnadzionnaha», — skazała Alena Kavalenka.
Siarhiej taksama paćvierdziŭ, što navat paśla nadańnia jamu statusa «złosnaha parušalnika» jon atrymaŭ jašče adno pakarańnie — pazačarhovaje dziažurstva. Heta paćviardžaje toje, što administracyja kałonii «pierastrachavałasia» i zrabiła ŭsio, kab Siarhiej nie trapiŭ pad amnistyju», — ličyć jaho žonka.
Jana taksama adznačyła, što muž, narešcie, atrymaŭ ad jaje banderol ź lekami, jakuju jana vysyłała dva tydni tamu.
Taksama Alena Kavalenka paviedamiła, što advakat muža atrymaŭ adkaz na nahladnuju skarhu pa pryhavory. «Uvohule, adkaz standartny. U im havorycca, što padstaŭ dla vyzvaleńnia Kavalenki niama, sud prajšoŭ u adpaviednaści z zakonam, i hetak dalej», — raskazała jana.
***
- Siarhiej Kavalenka byŭ zatrymany 19 śniežnia 2011 hoda pa abvinavačańni va ŭchileńnie ad adbyvańnia pakarańnia ŭ vyhladzie abmiežavańnia voli (art. 415 KK). Razmova idzie pra pakarańnie, jakoje było vyniesiena apazicyjanieru ŭ mai 2010 hoda za vyviešvańnie
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary