«Biełaruśkalij» i «Urałkalij» spračajucca za ekspartnyja kvoty pa zdabyčy kaliju.
Rasijskija analityki nie vyklučajuć mahčymaści razvału ZAT «Biełaruskaja kalijnaja kampanija» (BKK) praz kanflikt intaresaŭ akcyjanieraŭ ŭ palitycy prodažaŭ.
BKK była zasnavanaja ŭ śniežni 2005 hoda na parytetnych umovach RUP VA «Biełaruśkalij» i AAT «Urałkalij». Akcyjanierami kampanii źjaŭlajucca AAT «Biełaruśkalij» (45%), Biełaruskaja čyhunka (5%) i AAT «Urałkalij» (50%).
Pry stvareńni kampanii było padpisana pahadnieńnie, u jakim ahavorvałasia, što
ekspartnyja kvoty buduć raźmiarkoŭvacca pamiž asnoŭnymi akcyjanierami zychodziačy ź ich ustanoŭlenych vytvorčych mahutnaściaŭ. Na pieršapačatkovym etapie dola «Biełaruśkalija» skłała kala 60%, «Urałkalija» — 40%.
Adnak ciapier situacyja źmianiłasia. Zhodna z raniej ahučanymi płanami, u 2012 hodzie «Biełaruśkalij» płanuje vyrabić tolki 9–9,4 młn ton kalijnych uhnajeńniaŭ, a «Urałkalij», zacikaŭleny ŭ maksimalnym pavieličeńnie prodažaŭ, — ažno 10,5–10,8 młn ton.
U vyniku ekspartnyja kvoty «Biełaruśkalija» składajuć usiaho 47%, što nie zadavalniaje biełarusi bok. Ekśpierty čakajuć, što akcyjaniery znojduć kampramis, i sprava nie dojdzie da razvału kampanii.
-
«Maja praca zhareła». Biełaruskija biznesy stracili tavar na składach Wildberries, ale majuć bolš šancaŭ na kampiensacyju, čym rasijanie
-
20 litraŭ u bak i nijakich kanistraŭ? Ci sapraŭdy na biełaruskich zapraŭkach na miažy z Rasijaj uviali limity na bienzin
-
Kitajski startap vypuściŭ ŠI-madel, jakaja abyšła amierykanskija anałahi
Kamientary