Staršynia Centrvybarkama Lidzija Jarmošyna 25 lipienia ŭ Minsku ŭručyła paśviedčańnie № 1 mižnarodnaha naziralnika na čale misii SND Siarhieju Lebiedzievu, paviedamiŭ BiełaPAN.
«Pačatak pracy misii SND źjaŭlajecca dla nas pryjemnym padziejaj, my hetuju misiju zaŭsiody prymajem jak siabroŭ i dobrazyčlivych krytykaŭ.Nijakich prablem pa kantaktam pamiž nami i misijaj nie było i niama», — padkreśliła Jarmošyna.
U svaju čarhu Lebiedzieŭ vykazaŭ upeŭnienaść, što «ŭsie dźviery dla naziralnikaŭ SND buduć adkryty i ni adzin kutok nie zastaniecca schavanym».
«Hałoŭnaje ŭ pracy našaj misii — biesstaronnaść, abjektyŭnaść, nieŭmiašańnie va ŭnutranyja spravy krainy», — padkreśliŭ jon.
Lebiedzieŭ paviedamiŭ, što
misija doŭhaterminovych naziralnikaŭ, u jakuju ŭvojdzie 35 čałaviek, pačnie pracu ŭžo siońnia.
«My vielmi spadziajemsia na ciesnyja kantakty z usimi strukturami ŭłady. Vybary ŭ Biełarusi važnyja nie tolki dla naroda hetaj krainy, ale i ŭ cełym dla Sadružnaści. Bo stabilnaść, stabilnaja ŭłada, hodnyja vybrańniki ŭ parłamiencie i na prezidenckim pastu dla nas vielmi važnyja», — zajaviŭ Lebiedzieŭ.
Nahadajem, za acenku prezidenckich vybaraŭ 2010 hoda kiraŭnik misii SND Siarhiej Lebiedzieŭ zasłužyŭ asabistuju padziaku Łukašenki.
Kamientary