Suchajr Biełchasien: Biełaruskija pravaabaroncy ŭražvajuć svajoj stojkaściu
Lidar Mižnarodnaj fiederacyi za pravy čałavieka (FIDH) Suchajr Biełchasien vystupiła z zajavaj u padtrymku Alesia Bialackaha i inicyjatyvy Mižnarodnaha dnia salidarnaści z hramadzianskaj supolnaściu Biełarusi.
«Členy Mižnarodnaj fiederacyi za pravy čałavieka ŭžo hod aktyŭna ŭdzielničajuć u kampanii za vyzvaleńnie Alesia Bialackaha, hadavina aryštu jakoha čarhovym razam nahadvaje nam pra krytyčnaje stanovišča hramadzianskaj supolnaści Biełarusi», — cytuje Biełchasien paryžski sakrataryjat FIDH.
«Niahledziačy na ciažkija časy, jakija zakranuli ŭsich nieabyjakavych ludziej hetaj krainy — žurnalistaŭ, pravaabaroncaŭ, advakataŭ, aktyvistaŭ apazicyi, biełaruskija kalehi ŭražvajuć nas usich stojkaściu svaich pierakanańniaŭ, bieśpierapynnaj baraćboj za svabodu i čałaviečuju hodnaść i asabistaj mužnaściu.Ad imia ŭsich členaŭ fiederacyi ja chacieła b vykazać svaju padtrymku kampanii pa praviadzieńni Mižnarodnaha dnia salidarnaści z hramadzianskaj supolnaściu Biełarusi, a taksama padziaku jaje arhanizataram i ŭdzielnikam», — zajaviła lidar najstarejšaj mižnarodnaj pravaabarončaj arhanizacyi, jakaja abjadnoŭvaje 146 pravaabarončych struktur z usiaho śvietu.
U listapadzie 2011 hoda sud Pieršamajskaha rajona Minska pryznaŭ Bialackaha vinavatym va ŭtojvańni dachodaŭ u asabliva bujnym pamiery i pryhavaryŭ jaho da 4,5 hoda pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Padstavaj dla kryminalnaha pieraśledu stała najaŭnaść u pravaabaroncy zamiežnych bankaŭskich rachunkach, srodki ź jakich vykarystoŭvalisia dla dziejnaści pravaabarončaha centra «Viasna», zakrytaha biełaruskimi ŭładami. Sud taksama nie pryniaŭ da ŭvahi toje, što ŭron, jaki nibyta nanios dziaržavie Aleś Bialacki, byŭ poŭnaść kampiensavany za košt dobraachvotnych achviaravańniaŭ hramadzian.4 žniŭnia spaŭniajecca hod z momantu zatrymańnia viadomaha biełaruskaha pravaabaroncy Alesia Bialackaha,
vice-prezidenta FIDH.
Aryšt Bialackaha mieŭ šyroki mižnarodny rezanans. Pravaabaronca abjaŭleny viaźniem sumleńnia.
Na minułym tydni hrupa pravaabaroncaŭ i demakratyčnych aktyvistaŭ Rasii vystupiła ź inicyjatyvaj abjavić 4 žniŭnia Mižnarodnym dniom salidarnaści z hramadzianskaj supolnaściu i pravaabarončym rucham Biełarusi.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca44
Kamientary