U piatnicu va Ŭpravie BNF prajšła prezentacyja knihi «Biełaruś: ni Eŭropa, ni Rasieja. Mierkavańni biełaruskich elit». Arhanizatary prezentacyi sprabavali znajści inšaje pamiaškańnie, ale paŭsiul sutykalisia z admovaj.
U piatnicu va Ŭpravie BNF prajšła prezentacyja knihi «Biełaruś: ni Eŭropa, ni Rasieja. Mierkavańni biełaruskich elit». Arhanizatary prezentacyi sprabavali znajści inšaje pamiaškańnie, ale paŭsiul sutykalisia z admovaj.
Va ŭstupnym słovie hałoŭny redaktar časopisu ARCHE i inicyjatar vydańnia hetaj knihi Valer Bułhakaŭ adznačyŭ, što niahledziačy na paharšeńnie palityčnaj sytuacyi ŭ krainie, letaś naziraŭsia sapraŭdny vydaviecki bum. Bułhakaŭ prademanstravaŭ tolki tyja knihi, u vydańni jakich udzielničaŭ niepasredna. Tolki hetyja knižki, napeŭna, mahli b zaniać cełuju palicu.
V.Bułhakaŭ raskazaŭ, jak prachodziŭ adbor hierojaŭ knihi: pytańnie, chto jość u Biełarusi elitaj było prapanavanaja biełaruskim palitolaham. Paśla čaho i ŭtvaryŭsia dadzieny śpis. Razam z tym adznačałasia, što šmat chto ź mierkavanych hierojaŭ knihi nie pahadziŭsia na interviju, tak zrabili staršynia FPB Leanid Kozik ci staršynia praŭładnaha sajuzu piśmieńnikaŭ Mikałaj Čarhiniec.
Jak skazaŭ Valer Bułhakaŭ, na trochstach staronkach knihi hieroi imknulisia adkazać na nastupnyja pytańni: što jość biełaruskaj identyčnaściu, jakoje miesca zajmaje Biełaruś u śviecie, jakija musiać być adnosiny z Eŭropaj i Rasiejaj i šmat inšych. Bułhakaŭ padzialiŭsia svaimi adkryćciami, jon zrazumieŭ, što aficyjnyja asoby razhladajuć Eŭropy tolki ŭ prastoravaj płoskaści, a ni jakim razie ni ŭ kulturnaj, ni ŭ palityčnaj, što biełaruskija kontarelity znochodziacca ŭ stereatypach, jakija naviazvaje im aficyjny bok, jak, skažam, pra toje, što biełarusy talerantnaja i adukavanaja nacyja.
Paśla ź nievialikaj krytykaj knihi vystupili biełaruskija rasiejskamoŭnyja filozafy Janaŭ Paleski i Alaksandar Adamianc, musiŭ vystupić jašče Ŭładzimier Roŭda, ale jon nie pryjšoŭ na imprezu. Janaŭ Paleski adznačyŭ, što nie zusim zrazumieła ŭ jakim kantekście ŭ naźvie ŭžytaje słova «elita», a taksama niezrazumieła na kaho hetaja kniha ŭ pieršuju čarhu raźličanaja. Taksama jon adznačyŭ, što nie zusim pradumanymi byli pytańni.
Alaksandar Adamianc, u svaju čarhu, adznačyŭ, što dla jaho byli cikavymi jakraz mierkavańni ludziej nie z aficyjnaj ułady, bo «što dumajuć jany my prykładna ŭjaŭlajem, a voś što dumajuć na supraćlehłym baku pakul nie da kanca viadoma».
Naprykancy prezentacyi ŭsie prysutnyja atrymali biaspłatna hetuju knihu.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy2
Kamientary