Pryčym kolkaść šlubaŭ sioleta źmienšyłasia, a razvodaŭ pavialičyłasia.
U Biełarusi ŭ pieršym kvartale biahučaha hoda zarehistravana 12 tys. 441 šlub i 8 tys. 968 razvodaŭ, paviedamili karespandentu BIEŁTA ŭ Ministerstvie statystyki i analizu.
U Minstacie adznačyli, što ŭ studzieni‑sakaviku biahučaha hoda ŭ paraŭnańni sa studzieniem‑sakavikom 2006 hoda kolkaść zarehistravanych šlubaŭ źniziłasia na 9,8 pracenta, kolkaść razvodaŭ uzrasła na 15,2 pracenta.
Pahoršylisia suadnosiny rehistrujemych i skasavanych šlubaŭ, padkreślili ŭ Minstacie. Tak, kali ŭ studzieni‑sakaviku 2006 hoda na 1000 šlubaŭ prypadała 564 razvody, to ŭ studzieni‑sakaviku 2007‑ha — 721.
Pavodle słoŭ śpiecyjalistaŭ, u pieršym kvartale biahučaha hoda na 1000 žycharoŭ respubliki prypadała 5,2 šlubaŭ i 3,7 razvodaŭ, u pieršym kvartale 2006‑ha było adpaviedna 5,7 i 3,2.
U 2006 hodzie ŭ Biełarusi zarehistravana 78 tys. 974 šluby i 31 tys. 814 razvodaŭ. Za minuły hod u paraŭnańni z 2005 kolkaść zarehistravanych šlubaŭ pavialičyłasia na 7,7 pracenta, kolkaść razvodaŭ uzrasła na 4,2 pracenta. Palepšylisia suadnosiny rehistrujemych i skasavanych šlubaŭ: kali ŭ 2005 hodzie na 1000 šlubaŭ prypadała 416 razvodaŭ, to ŭ 2006 hodzie — 403. U minułym hodzie na 1000 žycharoŭ respubliki prypadała 8,1 šlubaŭ i 3,3 razvodaŭ, a ŭ 2005 hodzie było adpaviedna 7,5 i 3,1.‑0‑
Kamientary