«...Dy ŭsie, katoryja chočuć žyć pabožna ŭ Chryście Isusie, pieraśledavanyja buduć...»
Anulavali vid na pastajannaje miesca žycharstva ŭ Biełarusi hramadzianinu Polščy Jarasłavu Łukasiku, pasteru majoj carkvy. Jaho nachabna vyhaniajuć z krainy. Z časoŭ savieckaj ułady ničoha nie źmianiłasia. Naplavali na toje, što jon žanaty, naplavali na toje, što ŭ jaho žonka biełaruska, naplavali na toje, što ŭ ich siamji troje dziaciej...
Anulavali vid na pastajannaje miesca žycharstva ŭ Biełarusi hramadzianinu Polščy Jarasłavu Łukasiku, pasteru majoj carkvy. Jaho nachabna vyhaniajuć z krainy. Z časoŭ savieckaj ułady ničoha nie źmianiłasia. Naplavali na toje, što jon žanaty, naplavali na toje, što ŭ jaho žonka biełaruska, naplavali na toje, što ŭ ich siamji troje dziaciej...
Takich cudoŭnych biełaruskamoŭnych dzietak ja nia bačyŭ u žyćci. Takoj idealnaj siamji ja navat ŭjavić sabie nia moh. Što hetyja biełaruskamoŭnyja dzieci buduć rabić u Polščy? Navošta im heta? Ich tata žyŭ Biełarusiaj, dychaŭ Biełarusiaj, stałaje žyćcio pryśviaciŭ hetamu narodu, hetaj krainie, jaje svabodzie, jaje viery, jaje bieł‑čyrvona‑biełaj budučyni. Jon u 90ych raspačaŭ biełaruskaje adradžeńnie siarod biełaruskich pratestantaŭ. U minułym polski katalik z tealahičnaj adukacyjaj jon raptam skončyŭ biełarukuju filalohiju, pryjechaŭ ŭ Biełaruś i vučyŭ biełarusaŭ lubić svaju krainu, vieryć u Boha, vieryć u siabie, razmaŭlać pa‑biełarusku.
Hety čałaviek adzin, ADZIN zrabiŭ stolki, kolki mnohim našym palitykam sa svaimi pałymianymi pramovami ŭ žyćci nia ździejśnić. Ja nikoli nie zabudu, jak z hoda ŭ hod u bieźličy biełaruskich miastečkaŭ ładzili letniki, navučańnie, vykładali, vykładali, vykładali...historyju, chryścijanskuju litaraturu, pierakładali, pierakładali, pierakładali z hreckaj, sa staražytnasłavianskaj, sa starabiełaruskaj, ź italijskaj, z anhielskaj, ź niamieckaj, z polskaj... usio na BIEŁARUSKUJU. U taki sposab viarnuli z zabytkaŭ historyi «Katechizis» Budnaha, tvory Vałoviča, Ciapinskaha, Skaryny, Radziviła Čornaha, Kapijeviča, uvieś kviet biełaruskaj refarmacyi j «załatoha vieku Biełarusi», šerah vybitnych imionaŭ biełaruskaj emihracyi; drukavali, drukavali, drukavali knižki, časopisy, brašury, artykuły. Chryścijanizavali biełarusaŭ, biełarusifikavali chryścijanaŭ...
Jon chryściŭ i Pašu Sieviarynca, i Źmitra Daškieviča j...(pieraličvać dalej niebiaśpiečna)
Ja mnohim u planie žyćciovych pamknieńniaŭ abaviazany mienavita Jarasłavu...Sam prymaŭ u jaho chryščeńnie.
Jon nios śviatło ŭ našyja čorstvyja j zablovanyja sercy...Imknuŭsia viarnuć tvar našaj nacyi, jaje histaryčnuju pamiać, jaje vieru, jaje charastvo...
Ja nia maju nianaviści da tych, što pieraśledujuć jaho j vyhaniajuć ź Biełarusi...
bo z časam navučyŭsia nie vypramieńvać nianaviść da ludziej, navat da tych, chto heta zasłužyŭ.
Ja prosta da hłybini svajoj pahanaj dušonki ŭdziačny...udziačny hetamu čałavieku. Navat nia viedaju, jak vykazać svajo šanavańnie. Pobač z takimi ludźmi hanaryśsia tym, što ty ČAŁAVIEK.
Dabrasłavi Boh jaho j jahonuju siamju.
Takim ludziam treba stavić pomniki za BIEŁARUSKAJE NACYJANALNAJE ADRADŽEŃNIE jašče pry žyćci.
Schilaju svajo kalena. Abiacaju, što jahonaja sprava nia spynicca. Chrystos jašče pryziamlicca ŭ Harodni...
Kamientary