Łukašenka zaviarnuŭ prajekt pabudovy chmaračosa na Kastryčnickaj płoščy?
Na heta ŭkazvaje infarmacyja z sustrečy kiraŭnika dziaržavy z hałoŭnym architektaram stalicy.
Na heta ŭkazvaje infarmacyja z sustrečy kiraŭnika dziaržavy z hałoŭnym architektaram stalicy.
Staličnyja architektary raspracavali prajekt pabudovy 34-paviarchovaha hatela la Kastryčnickaj płoščy, na vulicy Internacyjanalnaj. Hety prajekt aktyŭna łabirujuć investary. Sprava dajšła da padačy prajektu na acenku čałavieku, jaki vyrašaje ŭsio - Alaksandru Łukašenku. Zdajecca, arabskim investaram zacikavić biełaruski ŭrad udałosia, adnak im prapanujuć raźmiaścić hatel nie na samoj płoščy, jak im karcieła, a niepadalok ad jaje. Na heta ŭkazvajuć niekatoryja cytaty z paviedamleńnia pres-słužby A.Łukašenki.
Aficyjnyja krynicy padajuć heta tak: "Padčas dakłada ŭ prezidenta 18 maja hałoŭnaha architektara Minska Viktara Nikicina abmiarkoŭvaŭsia płan rekanstrukcyi Kastryčnickaj płoščy i budaŭnictva šerahu bujnych abjektaŭ. Alaksandr Łukašenka ličyć, što nieabchodna vielmi staranna padychodzić da razhladu hetych prajektaŭ, nielha zychodzić tolki z kamiercyjnych intaresaŭ. Kastryčnickaja płošča — heta ŭ pieršuju čarhu zona adpačynku. «Nielha taksama zabyvać pra ideałahičnyja i palityčnyja aśpiekty hetaha miesca», — zaznačyŭ A.Łukašenka. Padčas dakłada abmiarkoŭvałasia taksama pytańnie budaŭnictva piacizorkavaha hatela zamiežnymi inviestarami niepadalok ad Kastryčnickaj płoščy. Heta budzie vyšynny budynak z sučasnymi kamfortnymi numarami. Prezident ličyć, što pavieličeńnie kolkaści hatelaŭ takoha vysokaha kłasa ŭ Minsku dazvolić źnizić ceny na košt hatelnych pasłuh".
Kamientary