Deputat Kamianiecki pra skasavańnie lhotaŭ: «Kali ty nie invalid, ty nie likvidatar»
23 traŭnia Pałata pradstaŭnikoŭ prymie ŭ dvuch čytańniach zakonaprajekt ab uparadkavańni lhotaŭ
23 maja Pałata pradstaŭnikoŭ Nacyjanalnaha schodu prymie ŭ dvuch čytańniach prajekt zakona «Ab dziaržaŭnych sacyjalnych ilhotach, pravach i harantyjach dla asobnych katehoryj hramadzian». Pra heta BiełaPAN paviedamiŭ staršynia pastajannaj kamisii pa pracy, sacyjalnaj abaronie, spravach vieteranaŭ i invalidaŭ Siarhiej Kamianiecki.
Pry hetym parłamientaryj padkreśliŭ, što lhoty nie adbirajucca, a ŭparadkoŭvajucca. «Častka lhot zastajecca, a astatniaja častka pieraraźmiarkoŭvajecca, — skazaŭ jon. — Dziaržaŭnaja dapamoha budzie razdavacca nie ŭsim, a tolki tym, chto maje patrebu».
S.Kamianiecki zaznačyŭ, što lhoty ŭsim invalidam, udzielnikam vajny, hierojam Saviecskaha Sajuza zastajucca ŭ poŭnym abjomie. «Ale lhoty mienavita im, a nie ich siemjam», — padkreśliŭ parłamientaryj. Havoračy ab likvidatarach nastupstvaŭ avaryi na Čarnobylskaj AES, S.Kamianiecki zaznačyŭ: «Likvidatary, jakija stali invalidami, nijakich ilhot nie pazbaŭlajucca. A ŭsie astatnija — heta nie likvidatary, heta tak. Na dva dni źjeździŭ u kamandziroŭku i toje jašče pad pytańniem, ci źjeździŭ».
Pavodle słoŭ deputata, zakonaprajekt nabudzie moc praz paŭhoda paśla apublikavańnia, heta značyć da Novaha hoda ŭsie lhoty buduć dziejničać. U toj ža čas, jak zaznačyŭ S.Kamianiecki, za try miesiacy pavinien być raspracavany prajekt ukazu prezidenta ab akazańni adrasnaj sacyjalnaj dapamohi.
S.Kamianiecki zaznačyŭ, što try deputaty delehavanyja ŭ rabočuju hrupu, jakaja zajmajecca raspracoŭkaj ukazu. «Deputaty nie dazvolać zrabić tak, kab čynoŭniki znoŭ stvarali niejkija pieraškody dla atrymańnia adrasnaj sacyjalnaj dapamohi čałavieku, jaki maje patrebu, — skazaŭ S.Kamianiecki. — Dumaju, što adrasnaja dapamoha budzie efiektyŭnaj»
fotazdymak z sajtu Pałaty pradstaŭnikoŭ
Padrabiaznaja bijahrafija deputata Kamianieckaha.
Kamientary