Tydzień našaha žyćcia

Tydzień našaha žyćcia

Kraina ŭrahanaŭ

Prezydenckaja administracyja pryśviaciła tydzień zmahańniu z prafsajuzami. Na zamiežnapalityčnym froncie U.Jarmošyn i Ŭ.Zamiatalin adbivali napadki hienseka Mižnarodnaj kanfederacyi svabodnych prafźviazaŭ Biła Džordana, što prylacieŭ u krainu ŭ adkaz na skarhu biełaruskich prafźviazaŭ. Skarha była nakiravanaja ŭ MKSP, MKSP zabiła tryvohu, pieršy na jaje adhuknuŭsia Bił Klintan, pazbaviŭšy Biełaruś režymu handlovych preferencyjaŭ. U.Zamiatalin śćviardžaŭ, što Biełaruś — adna z samych demakratyčnych u Eŭropie krainaŭ. Prafsajuzny bos hetym zaviareńniam nie pavieryŭ i pryhraziŭ, što, kali ŭrad budzie praciahvać nastup na pravy pracoŭnych, MKSP budzie zaklikać i Eŭropu ŭvieści ekanamičnyja sankcyi suprać Biełarusi. Adziny front zmahańnia z łukašyzmam padtrymaŭ i kiraŭnik aficyjnych rasiejskich prafsajuzaŭ V.Šmakaŭ. «Treba zrabić usio, kab biełaruskaja zaraza nie pierakinułasia na Rasieju. Ja budu havaryć pra heta na sustrečy z U.Pucinym», — zajaviŭ jon.

Bajacca prafsajuzaŭ — bo musili znoŭ uźniać kamunalnyja taryfy, na hety raz až da 50%.

Abvieščana pra novyja pryznačeńni: niezdarovaha ministra sielskaj haspadarki Ju.Maroza źmianiŭ jahony namieśnik Vadzim Papoŭ, na pasadu vice-premjera viarnuŭsia rektar Politechničnaj akademii Michaił Dziamčuk, u čarnobylskim ministerstvie I.Kienika źmianiŭ Uładzimier Całko, a ŭ Brytanii pasła U.Ščasnaha — Valer Sadocha.

Data vybaraŭ u «pałatu» abvieščanaja — 15 kastryčnika, ale niajasna, ci tre buduć kamu tyja vybary.

Ustupnyja ispyty ŭ VNU vyjavili, što kožny piaty abituryjent-medalist nia tolki što piaciorki nie paćviardžaje, a ŭvohule pralataje na «dva bały».

Hazeta «Źviazda» ŭ svaim subotnim numary raspaviała ab praciahu historyi zmahańnia elektramechanika «Biełaeranavihacyi» Ŭładzimiera Płaksy za prava karystacca biełaruskaj movaj na pracy. Historyja, ličy, biaskoncaja, jak i prablema...

U Kosavie albancy pa ŭsim krai staviać pomniki achviaram zmahańnia za niezaležnaść suprać juhasłaŭskaha pryhniotu. Pomniki hetyja ŭviekaviečvajuć albanskija nacyjanalnyja symbali, a ichnaje adkryćcio supravadžajecca balučymi ŭspaminami i — usploskam ksenafobii. Siły KFOR sprabujuć źbić hetuju memaryjalnuju chvalu.

Na sustrečy ŭ Zamości po-lski premjer Je.Buzek i ŭkrainski —V.Juščanka, refarmatar i vierahodny pierajemnik Kučmy, adkryli pomnik Siamionu Piatluru, kiraŭniku Ŭkrainskaj Narodnaj Respubliki i prychilniku aljansu Ŭkrainy i Polščy. Na sustrečy abmiarkoŭvalisia detali ŭdziełu krainaŭ u transpartavańni kaśpijskaj nafty pa maršrucie Adesa—Brody—Hdańsk. U Adesu jana budzie pastupać z Hruzii pa Čornym mory.

Buran pralacieŭ nad Biełarusiaj u subotu, pakinuŭ 900 viosak bieź śviatła, zbolšaha na Viciebščynie, adzin čałaviek zahinuŭ. Biez takich urahanaŭ nie abychodzicca ciapier nivodnaje leta. A siońnia znoŭ pachaładańnie i doždž. Apošnimi hadami vymaloŭvajecca novy kli-mat Biełarusi — vielmi haračyja i suchija kaniec traŭnia-červień i vielmi mokry lipień. Ludzi kažuć, što heta Śviaty Piatro pierabłytaŭ, što jamu ludzi kazali, i paprasiŭ u Boha daždžu tady, kali kosiać, a nie tady, kali prosiać.

Dobry hety choład tolki tym, chto na Naračy adpačyvaje. Bo na Naračy tak i tak nielha płavać — vada tam zaražanaja šystamatoidnym cerkaryjozam, jaki pieranosiać kryžanki i maluski, i ad jakoha časotka napadaje.

B.T.