Paštovaja skrynka
U.M.-H. ź Miensku. Aby nie siadzieli skłaŭšy ruki. U bandanach, biez bandanaŭ…
Mikołu K. ź Viciebsku. Vaš “Tutejšy dyjaloh” nie pasuje dla hazety. Prapanujcie jaho niejkamu časopisu — “Arche”, “Kałośsiu” abo “Frahmentam” — ci raspaŭsiudžvajcie samadrukam, jak svajho času razychodzilisia dysydenckija “Hutarka staroha dzieda”, “List Macieja Buračka” i h.d.
Maksimu I. ź Miensku. Heta jašče nie hazetny artykuł. Praktykujciesia. Tolki hady i praktyka zdolnyja nadać ładu dumkam.
Jurju Č. ź Pinsku. Rubryki “Epikon” pakul nie vymaloŭvajecca. Prozy budzie šmat, i dobraj. Pierakładaŭ vielmi bahata drukuje časopis “Arche”, raim Vam jaho. U krasnym piśmienstvie zahadam źvierchu ciažka niečaha dabicca: voś isnuje ŭ nas šeść dziaržaŭnych litaraturnych časopisaŭ i adna hazeta, i što? Važnaja nia kolkaść, a jakaść. I addaj my jašče adnu pałasu pad staronku prazaičnaha radka, aŭtarkija biełaruskaje litaratury nie zastałasia b u minułym. Dziela pieraadoleńnia jaje važniej pryvučyć litarataraŭ i hramadztva stavić nacyjanalnyja intaresy pierad ułasnymi.
Alaksandru F. ź Miensku. Tema kniazia Vitaŭta i zaprošanych im habrejaŭ cikavaja. Ale, čytajučy Vaš artykuł, nie adčuvaješ ani duchu taho času, ani duchu tych pieršych habrejaŭ. Novych histaryčnych źviestak Vy taksama nie dajacie.
Volfu R. ź Miensku. Pryvatny vypadak z Vašaha žyćcia nie raźviŭsia ŭ historyju, zrazumiełuju inšym čytačam. Chiba što z-za braku malaŭničych detalaŭ i miascovaha kalarytu.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary