(Roznyja vykanaŭcy), 2002
Isnuje dumka, što takoha kštałtu «pryśviačeńni» — chaŭtury pa aŭtaru aryhinałaŭ. Stvaralniki trybjutaŭ nibyta padvodziać vynikovuju rysu pad usioj jahonaj tvorčaściu, tym samym kažučy: lepiej užo nia budzie. «Pachavać» ulubiony hurt možna j inšym sposabam: praź niedarečnuju interpretacyju aryhinalnych tvoraŭ. Takija niaŭdałyja kavery atrymalisia ŭ Ludmiły Kraŭcovaj (pieśnia «See You»), u hurtu «Impet» («In Your Room»). Ščyrapapsovaja aranžyroŭka Kraŭcovaj vypadaje z ahulnaha alternatyŭnaha nastroju, a versija «Impetu» słuchajecca jak čarnavy nakid, nie raźvitaja jak śled ni muzyčna, ni vakalna.
Astatnija tvory — na ŭzroŭni. Stvaralniki trybjutu byccam dali prastoru słuchačam: vybirajcie svoj hit! Prychilnikam aŭtentyki spadabajucca adaptavanyja pad biełaruskuju muzyčnuju tradycyju interpretacyi «Troicy» i «Kryvi», amataram hitarnaj muzyki — Pamidoraŭ z «Hajeram» dy «Fłet», fanatam džazu — «Jabłyčnaja harbata», hardkoru — «Harackija»... Darečy, Pit Paŭłaŭ — lider «Harackich» — ažno «trojčy ŭdzielnik» trybjutu: hraŭ na hitary jašče ŭ «NRM» i ŭ «Kryvi». Hołas Lavona Volskaha možna pačuć dvojčy — u «Zet» i, viadoma ž, u «NRM».
Žorstkija krytery da movy nie pradjaŭlalisia. Tracina piesień praśpiavanaja pa-biełarusku, stolki ž na anhielskaj, astatnija — instrumentały («Troica», «Jabłyčnaja harbata») i rasiejskamoŭnyja («Kali Juha», «Lapis»). Cikava prydumaŭ Šadźko: kuplet pa-rasiejsku, prypieŭ — pa-anhielsku.
Uvohule ž reklamny słohan prajektu «Spadabałasia «depešam», spadabajecca i vam!» možna nazvać słušnym i navat raźvić: «Nam padabajucca nia «depešy», a našy!»
Kali ž «našy depešy»padabajucca vam nastolki, što vy hatovyja vykłaści za hety dysk lubyja hrošy, — čakajcie vychadu kalekcyjnaha vydańnia z tekstami piesień, zdymkami j inšymi siurpryzami.
3 najlepšych kaveraŭ albomu: «Zet» — «Marny», «Kryvi» — «Biaz hučnych słovaŭ», «NRM» — «Tvoj Jezus».
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary