Ліберальна-дэмакратычная партыя заклікае ўсе палітычныя партыі, якія падтрымліваюць беларускую мову і культуру, не на словах, а на справе аказаць матэрыяльную дапамогу грамадскаму аб'яднанню «Таварыства беларускай мовы імя Францішка Скарыны» (ТБМ).
Развіццё грамадзянскай супольнасці і дэмакратыі, адзначаецца ў інфармацыйным паведамленні ЛДП, немагчымае без стварэння належных умоў для развіцця палітычных партый і грамадскіх арганізацый.
«Палітычныя партыі і грамадскія арганізацыі не маюць права займацца камерцыйнай і гаспадарчай дзейнасцю і існуюць выключна за кошт ахвяраванняў грамадзян. У сувязі з гэтым афіцыйна зарэгістраваныя палітычныя партыі і буйныя грамадскія арганізацыі павінны мець спецыяльны паніжальны каэфіцыент пры заключэнні дагавораў арэнды», — мяркуюць у ЛДП.
У хуткім часе ЛДП мае намер правесці круглы стол, на якім будзе ўзнята пытанне павышэння арэнднай платы. Па выніках мерапрыемства партыя плануе адправіць у дзяржаўныя органы канкрэтныя прапановы па вырашэнні праблемы.
Як раней паведамлялася, ТБМ звярнулася да грамадскасці па дапамогу ў сувязі з рэзкім ростам кошту арэнды 1 красавіка — з 5 млн. 100 тыс. рублёў да 9 млн. 801 тыс. 600 рублёў у месяц.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары