Супрацоўнікамі аддзела крымінальнага вышуку Ленінскага РУУС сумесна з аператыўнікаміаператыўна-пошукавага аддзела ГУУС Мінгарвыканкама затрыманы двое жыхароў сталіцы, якія падазраюцца ва ўчыненні крадзяжоў з аўтамашын.
На працягу апошніх месяцаў у Ленінскае РУУС стала паступаць больш заяў пра крадзяжы маёмасці з аўтамабіляў. Аналіз учыненых злачынстваў дазволіў зрабіць выснову, што ў раёне з’явіліся асобы, якія ўчыняюць па начах на рэгулярнай аснове крадзяжы з прыпаркаваных аўта. Машыны адчынялі двума спосабамі: пракручвалі дзвярныя замкі або білі шкло. Характэрны почырк зламыснікаў паказваў, што крадзяжы ўчыняюць адны і тыя ж асобы.
У поле зроку аператыўнікаў трапіў38-гадовы грузчык аднаго з магазінаў. У выніку ён быў затрыманы на месцы ўчынення злачынства на тэрыторыі Заводскага раёна горада.
Падчас правядзення далейшых аператыўных мерапрыемстваў з грузчыкам сышчыкі выйшлі і на саўдзельніка, які таксама затрыманы.
Ужо цяпер міліцыянеры ўпэўнены ў дачыненні абодвух як мінімум да дзесяці крадзяжоў з аўта, пры гэтым, хутчэй за ўсё, гэта колькасць можа ўзрасці ў разы. Цяпер праводзяцца мерапрыемствы па высвятленні найболей поўнай карціны злачынстваў, да якіх могуць мець дачыненне падазроныя, устанаўліваецца кола пацярпелых аўтаўладальнікаў. Праверка ў дачыненні да фігурантаў працягваецца.
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя16
Каментары