Дзяўчыну збіў грузавік на пешаходным пераходзе ў Мінску.
Сёння ў Мінску трагічна загінула 25-гадовая праваабаронца Вікторыя Старасценка, сябра праўлення грамадскага аб'яднання «Цэнтр па правах чалавека», паведамляе udf.by.
Аварыя адбылася 30 кастрычніка каля 8.35 на вуліцы Карбышава ў раёне дома № 1. Вікторыя пераходзіла праезную частку па нерэгуляваным пешаходным пераходзе, абсталяваным адпаведнай дарожнай разметкай, знакамі, і «спячым паліцыянтам», калі яе збіў грузавік МАЗ-555102.
У 9.40 яна памерла ў бальніцы. Грамадскае аб'яднанне «Цэнтр па правах чалавека», сябры і калегі выказалі спачуванні ў сувязі з трагічнай смерцю Вікторыі Старасценка.
У 2009 годзе Вікторыя перамагла з эсэ ў конкурсе ў межах кампаніі «Праваабаронцы супраць смяротнага пакарання ў Беларусі».
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары