Gunvor, банк «Расія», Ратэнбергі: Амерыка ўдарыла па мільярдэрах-сябрах Пуціна
Прэзідэнт ЗША Барак Абама расшырыў спіс асобаў, у дачыненні да якіх будуць дзейнічаць амерыканскія санкцыі ў сувязі з далучэннем Крыма да Расіі. Калі ў першай «порцыі» былі пераважна чыноўнікі, то ў другі заход трапілі некалькі мільярдэраў, асабістых сяброў Пуціна. Гэта Генадзь Цімчанка, пецярбуржац, які стаў мільярдэрам на гандлі нафтай — кампанія Gunvor (чытаецца: «Гунвор»). Гэта таксама браты Ратэнбергі — партнёры арыштаванага ў Вене газатрэйдара Фірташа. Гэта таксама Юрый Кавальчук, суўласнік банка «Расія».
«Мы сёння ўводзім санкцыі супраць шэрагу іншых асобаў, якія маюць значныя рэсурсы і ўплыў ды якія аказваюць матэрыяльную падтрымку расейскаму кіраўніцтву, а таксама супраць банка, які забяспечвае матэрыяльную падтрымку гэтых людзей».
Пашыраны сьпіс асобаў, якія апынуліся пад санкцыямі, з'явіўся на сайце Міністэрства фінансаў ЗША адразу пасля заявы Абамы.
У пашыраны спіс, сярод іншых, уключаныя:
кіраўнік прэзідэнцкай адміністрацыі Сяргей Іваноў;
Уладзімір Кожын, кіраўнік справаў расійскай прэзідэнтуры;
Юрый Кавальчук, уласнік банка «Расія» і сябар Пуціна з Пецярбурга;
Аркадзь Ратэнбэрг, трэнер па дзюдо, мільярдэр, уласнік дзясяткаў кампаній, сябар Пуціна з Пецярбурга;
Барыс Ратэнбэрг, брат Аркадзя Ратэнберга, трэнер па дзюдо, мультымільянер, сябар Пуціна з Пецярбурга;
Генадзь Цімчанка, суўласнік кампаніі Gunvor Group, сябар Пуціна з Пецярбурга;
Уладзімір Якунін, кіраўнік Расійскай чыгункі, мультымільянер, асабісты сябар Пуціна;
Сяргей Нарышкін, старшыня Дзяржаўнай Думы;
віцэ-спікер Рады Федэрацыі Яўген Бушмін;
памочнік прэзідэнта Расіі Андрэй Фурсенка;
лідар партыі «Справядлівая Расія» Сяргей Міронаў;
сэнатар Мікалай Рыжкоў;
віцэ-спікер Дзяржаўнай Думы Сяргей Жалязняк;
Уладзімір Джабараў;
Аляксей Громаў;
Віктар Іваноў;
Віктар Озераў;
Алег Панцялееў;
Ігар Сяргун;
Аляксандр Татунаў.
Пад санкцыямі апынуўся таксама Банк Расіі ў Санкт-Пецярбургу.
Першы спіс высокапастаўленых афіцыйных асобаў Расіі, якія апынуліся пад амерыканскімі эканамічнымі санкцыямі, уключаў Уладзіслава Суркова, Сяргея Глазьева, Леаніда Слуцкага, Андрэя Клішаса, Валянціну Мацвіенку, Дзмітрыя Рагозіна і Алену Мізуліну.
Цяпер чытаюць
Стаў вядомы дакладны адрас, па якім жыве Анжаліка Мельнікава ў Мінску24
Каментары