Gunvor, bank «Rasija», Ratenbierhi: Amieryka ŭdaryła pa miljarderach-siabrach Pucina
Prezident ZŠA Barak Abama rasšyryŭ śpis asobaŭ, u dačynieńni da jakich buduć dziejničać amierykanskija sankcyi ŭ suviazi z dałučeńniem Kryma da Rasii. Kali ŭ pieršaj «porcyi» byli pieravažna čynoŭniki, to ŭ druhi zachod trapili niekalki miljarderaŭ, asabistych siabroŭ Pucina. Heta Hienadź Cimčanka, pieciarburžac, jaki staŭ miljarderam na handli naftaj — kampanija Gunvor (čytajecca: «Hunvor»). Heta taksama braty Ratenbierhi — partniory aryštavanaha ŭ Vienie hazatrejdara Firtaša. Heta taksama Juryj Kavalčuk, suŭłaśnik banka «Rasija».
«My siońnia ŭvodzim sankcyi suprać šerahu inšych asobaŭ, jakija majuć značnyja resursy i ŭpłyŭ dy jakija akazvajuć materyjalnuju padtrymku rasiejskamu kiraŭnictvu, a taksama suprać banka, jaki zabiaśpiečvaje materyjalnuju padtrymku hetych ludziej».
Pašyrany śpis asobaŭ, jakija apynulisia pad sankcyjami, źjaviŭsia na sajcie Ministerstva finansaŭ ZŠA adrazu paśla zajavy Abamy.
U pašyrany śpis, siarod inšych, uklučanyja:
kiraŭnik prezidenckaj administracyi Siarhiej Ivanoŭ;
Uładzimir Kožyn, kiraŭnik spravaŭ rasijskaj prezidentury;
Juryj Kavalčuk, ułaśnik banka «Rasija» i siabar Pucina ź Pieciarburha;
Arkadź Ratenberh, trenier pa dziudo, miljarder, ułaśnik dziasiatkaŭ kampanij, siabar Pucina ź Pieciarburha;
Barys Ratenberh, brat Arkadzia Ratenbierha, trenier pa dziudo, multymiljanier, siabar Pucina ź Pieciarburha;
Hienadź Cimčanka, suŭłaśnik kampanii Gunvor Group, siabar Pucina ź Pieciarburha;
Uładzimir Jakunin, kiraŭnik Rasijskaj čyhunki, multymiljanier, asabisty siabar Pucina;
Siarhiej Naryškin, staršynia Dziaržaŭnaj Dumy;
vice-śpikier Rady Fiederacyi Jaŭhien Bušmin;
pamočnik prezidenta Rasii Andrej Fursienka;
lidar partyi «Spraviadlivaja Rasija» Siarhiej Mironaŭ;
senatar Mikałaj Ryžkoŭ;
vice-śpikier Dziaržaŭnaj Dumy Siarhiej Žalaźniak;
Uładzimir Džabaraŭ;
Alaksiej Hromaŭ;
Viktar Ivanoŭ;
Viktar Ozieraŭ;
Aleh Pancialejeŭ;
Ihar Siarhun;
Alaksandr Tatunaŭ.
Pad sankcyjami apynuŭsia taksama Bank Rasii ŭ Sankt-Pieciarburhu.
Pieršy śpis vysokapastaŭlenych aficyjnych asobaŭ Rasii, jakija apynulisia pad amierykanskimi ekanamičnymi sankcyjami, uklučaŭ Uładzisłava Surkova, Siarhieja Hłaźjeva, Leanida Słuckaha, Andreja Klišasa, Valancinu Maćvijenku, Dźmitryja Rahozina i Alenu Mizulinu.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja15
Kamientary