Вызначаны адзнакі, якія на ЦТ у 2014 годзе будуць прыраўноўвацца да нездавальняючых
Вызначаныя адзнакі, якія будуць прыраўноўвацца да нездавальняючых па выніках цэнтралізаванага тэставання (ЦТ) у 2014 годзе. Такое рашэнне змяшчаецца ў пастанове Міністэрства адукацыі Рэспублікі Беларусь ад 10 красавіка 2014 г. №34.
Як адзначылі ў прэс-цэнтры Мінадукацыі, устаноўлена, што для асоб, якія паступаюць для атрымання вышэйшай адукацыі I ступені, адзнакамі па вучэбных прадметах, якія прыраўноўваюцца да нездавальняючых па выніках ЦТ, у балах па стобальнай шкале ад 0 да 100 балаў (уключна), з'яўляюцца:
ад 0 да 9 балаў (уключна) — па рускай і беларускай мовах;
ад 0 да 14 балаў (уключна) — па матэматыцы, фізіцы, хіміі і біялогіі;
ад 0 да 19 балаў (уключна) — па гісторыі Беларусі, сусветнай гісторыі найноўшага часу, грамадазнаўстве, геаграфіі, замежных мовах (англійская, нямецкая, французская, іспанская).
Для асоб, якія паступаюць для атрымання вышэйшай адукацыі I ступені ў вочнай (дзённай) форме атрымання адукацыі за кошт сродкаў рэспубліканскага бюджэту пры ажыццяўленні дадатковага набору ў дзяржаўныя ўстановы вышэйшай адукацыі на месцы, што засталіся вакантнымі пасля залічэння абітурыентаў, такімі адзнакамі з'яўляюцца:
ад 0 да 4 балаў (уключна) — па рускай і беларускай мовах;
ад 0 да 9 балаў (уключна) — па матэматыцы, фізіцы, хіміі і біялогіі;
ад 0 да 14 балаў (уключна) — па гісторыі Беларусі, сусветнай гісторыі найноўшага часу, грамадазнаўству, геаграфіі, замежных мовах (англійская, нямецкая, французская, іспанская).
Пастанова ўступае ў сілу пасля яе афіцыйнага апублікавання.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары