Расія не здолела перамагчы Карэю: 1:1 пасля прыкрай памылкі брамніка
Зборныя Расіі і Паўднёвай Карэі сталі апошнімі, хто ўключыўся ў барацьбу за футбольны кубак свету. Гульня гэтых каманд закрывала праграму першага тура.
Даволі роўны матч так і не выявіў пераможцаў.
Спачатку ўдача ўсміхнулася карэйцам.
На 68-й хвіліне Лі К'юн Хо не надта моцна стрэліў здалёк, але мяч выслізнуў з рук расійскага варатара Ігара Акінфеева наўпрост у вароты.
Зрэшты, Акінфееў і ў папярэдніх эпізодах дзейнічаў няўпэўнена.
Расія навалілася на вароты карэйцаў і на 75-й хвіліне зраўнавала лік.
У мітусні гол у фактычна пустыя вароты праштурхнуў Аляксандр Кержакоў, той самы, з якога два гады таму рагатала ўся Еўропа.
Тады, нагадаем, Кержакоў за тры гульні не здолеў нават ні разу патрапіць у вароты, не кажучы пра забітыя галы.
Другая гульня ў групе паміж Бельгіяй і Алжырам скончылася з лікам 2:1. Цяпер расійцаў і карэйцаў чакаюць матчы з гэтымі камандамі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары