Rasija nie zdoleła pieramahčy Kareju: 1:1 paśla prykraj pamyłki bramnika
Zbornyja Rasii i Paŭdniovaj Karei stali apošnimi, chto ŭklučyŭsia ŭ baraćbu za futbolny kubak śvietu. Hulnia hetych kamand zakryvała prahramu pieršaha tura.
Davoli roŭny matč tak i nie vyjaviŭ pieramožcaŭ.
Spačatku ŭdača ŭśmichnułasia karejcam.
Na 68-j chvilinie Li Kjun Cho nie nadta mocna streliŭ zdalok, ale miač vyśliznuŭ z ruk rasijskaha varatara Ihara Akinfiejeva naŭprost u varoty.
Zrešty, Akinfiejeŭ i ŭ papiarednich epizodach dziejničaŭ niaŭpeŭniena.
Rasija navaliłasia na varoty karejcaŭ i na 75-j chvilinie zraŭnavała lik.
U mituśni hoł u faktyčna pustyja varoty prašturchnuŭ Alaksandr Kieržakoŭ, toj samy, ź jakoha dva hady tamu rahatała ŭsia Jeŭropa.
Tady, nahadajem, Kieržakoŭ za try hulni nie zdoleŭ navat ni razu patrapić u varoty, nie kažučy pra zabityja hały.
Druhaja hulnia ŭ hrupie pamiž Bielhijaj i Ałžyram skončyłasia ź likam 2:1. Ciapier rasijcaŭ i karejcaŭ čakajuć matčy z hetymi kamandami.
Kamientary