Siejm Litvy pryniaŭ papraŭki ŭ Kodeks aŭtamabilnaha transpartu, jakija dazvalajuć uradu ŭvieści abaviazkovaje patrabavańnie da viedańnia dziaržaŭnaj movy dla kiroŭcaŭ taksi i servisaŭ supolnych pajezdak, naprykład, Bolt.
Heta rašeńnie zaklikana vyrašyć prablemu ź inšaziemcami ŭ śfiery absłuhoŭvańnia, jakija zusim nie havorać pa-litoŭsku.
Novaje praviła pačnie dziejničać z 2028 hoda — mienavita z hetaha času pry atrymańni dazvołu na pracu inšaziemnyja kiroŭcy buduć abaviazany paćvierdzić svaje viedy.
Da hetaha času Dziaržaŭnaja inśpiekcyja pa litoŭskaj movie nie mahła patrabavać ad takich kiroŭcaŭ zdačy ekzamienu, bo jany farmalna nie źjaŭlajucca supracoŭnikami kampanij, a pracujuć pa paśviedčańniach ab indyvidualnaj dziejnaści. Ciapierašnija papraŭki vypraŭlajuć hety zakanadaŭčy prahał.
Što tyčycca ahulnych patrabavańniaŭ dla inšaziemcaŭ u śfiery absłuhoŭvańnia, to spačatku jany pavinny vałodać movaj choć by na bazavym uzroŭni A1. Heta patrabavańnie dziejničaje na praciahu dvuch hadoŭ z momantu dekłaravańnia miesca žycharstva, paśla čaho ŭzrovień treba pavysić minimum da A2. Na bazavym uzroŭni čałaviek pavinien razumieć paŭsiadzionnyja frazy, umieć pradstavicca, adkazać, dzie žyvie, i razumieć prostyja pytańni klijentaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary