Дзяржаўная Дума Расійскай Федэрацыі разглядзела на гэтым тыдні ў другім чытанні федэральны бюджэт і прыняла папраўкі, згодна з якімі выдаткі на войска будуць скарочаныя на 157 млрд расійскіх рублёў (каля $3 млрд), паведаміла агенцтва РИА Новости.
Прычыны скарачэння не паведамляліся.
Першапачаткова на «Нацыянальную абарону» было запланавана аддаць 3,274 трлн рублёў ($65 млрд).
У асноўным скарочаныя выдаткі на пададдзелы «Узброеныя сілы РФ» — у памеры 99,7 млрд рублёў. У выніку на войска Расія аддае 20,5% федэральнага бюджэту.
Раней расійская газета «Коммерсант» паведамляла, што узброеныя сілы Расіі не могуць сабе дазволіць замовіць да 2020 года запланаваныя 52 найноўшыя знішчальнікі Т-50 ПАК ФА пятага пакалення.
Беларусь аддае на абарону ў 2015 годзе ўсяго 8 трлн беларускіх рублёў (каля $530 млн) — прыкладна 5,7% бюджэту.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары