Расія з вялікай верагоднасцю адмовіцца ад транзіту газу праз Украіну пасля 2019 года, дзейны транзітны кантракт працягвацца не будзе, пацвердзіў кіраўнік Мінэнерга РФ Аляксандр Новак.
«Толькі што прагучала выступленне спадара Мілера, які сказаў, што транзітны кантракт з Украінай не будзе працягнуты пасля 2019 года. Таму цяпер усе намаганні накіраваныя на тое, каб рэалізаваць будаўніцтва газатранспартнай інфраструктуры ў Турцыю, на мяжу Турцыі і Грэцыі, і дастаўку спажыўцам паўднёва-ўсходняй і Цэнтральнай Еўропы праз гэты маршрут», — сказаў Новак журналістам, адказваючы на пытанне, ці з'яўляецца канчатковым рашэнне аб спыненні транзіту праз Украіну пасля заканчэння тэрміну дзейнага кантракту.
«Кантракт (транзітны з Украінай) дзейнічае да канца 2019 года. Будаўніцтва новай газатранспартнай інфраструктуры накіраванае ў тым ліку на дыверсіфікацыю транзітных рызыкаў. Я думаю, што гэтае пытанне (адмовы ад транзіту праз Украіну) у высокай ступені рашэння», — дадаў кіраўнік Мінэнерга.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары