Канстытуцыйны суд Беларусі ня будзе разглядаць прапановы зьменаў у рэлігійным заканадаўстве краіны, пад якімі падпісаліся больш за 50 тысячаў беларусаў. Такі адказ накіраваны ў адміністрацыю пратэстанцкай царквы «Новае жыцьцё».
Канстытуцыйны суд Беларусі ня будзе разглядаць прапановы зьменаў у рэлігійным заканадаўстве краіны, пад якімі падпісаліся больш за 50 тысячаў беларусаў. Такі адказ Канстытуцыйны суд накіраваў у адміністрацыю пратэстанцкай царквы «Новае жыцьцё».
У адказе суду падкрэсьлена, што грамадзяне ня могуць уносіць прапановы ў Канстытуцыйны суд. Гэта можа зрабіць дзяржаўны ворган, урад альбо прэзыдэнт. У адказе вернікам прапаноўваецца зьвярнуцца да ўраду ці прэзыдэнта з просьбаю выступіць з такой ініцыятывай.
Каардынатар кампаніі ў абарону права на свабоду сумленьня Сяргей Луканін кажа, што вернікі не прасілі суду разглядаць закон аб свабодзе сумленьня на згоднасьць з Канстытуцыяй.
«Мы прасілі Канстытуцыйны суд па сваёй ініцыятыве накіраваць зварот у Палату прадстаўнікоў. Усе падставы для гэтага ёсьць — 50 тысячаў беларускіх грамадзян выказалі сваю занепакоенасьць законам аб свабодзе сумленьня. Заканадаўства нашай краіны дазваляе Канстытуцыйнаму суду разглядаць кожны закон па ўласнай ініцыятыве. Менавіта аб гэтым мы й прасілі суд.
На жаль, нам адмовілі. Больш за тое, я лічу, што наш зварот праігнаравалі. Адказ быў падпісаны нават не судзьдзёй, а намесьнікам сакратара».
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары