Першая намесьніца міністра інфармацыі Беларусі Лілія Ананіч заявіла, што адказнасьць у інтэрнэт‑СМІ за распаўсюд інфармацыі мусіць быць такой самай, што і друкаваных СМІ, але прызнала, што інтэрнэт — «складаны сэгмэнт інфармацыйнага поля», які «цяжка пракантраляваць і зарэгістраваць увесь у цэлым як такі».
Лілія Ананіч |
Першая намесьніца міністра інфармацыі Беларусі Лілія Ананіч заявіла, што адказнасьць у інтэрнэт‑СМІ за распаўсюд інфармацыі мусіць быць такой самай, што і друкаваных СМІ.
«Ня ўсе сайты працуюць як сродкі масавай інфармацыі. Адна справа — распаўсюджваць інфармацыю пра тавары, іншая — фармаваць інфармацыйны і аналітычны блёк. У другім выпадку інтэрнэт‑СМІ мусяць мець такія ж самыя правы і абавязкі, як і ўсе СМІ ў адпаведнасьці з заканадаўствам пра друк», — заявіла Лілія Ананіч.
Пры гэтым Лілія Ананіч прызнала, што інтэрнэт — «складаны сэгмэнт інфармацыйнага поля», які «цяжка пракантраляваць і зарэгістраваць увесь у цэлым як такі».
Першая намесьніца міністра інфармацыі расказала, што пытаньне пра заканадаўчае рэгуляваньне інтэрнэт‑СМІ ў Беларусі прапрацоўваецца сёньня на ўзроўні экспэртаў. Лілія Ананіч паведаміла, што для рэгуляваньня дзейнасьці інтэрнэт‑СМІ могуць быць унесеныя папраўкі ў дзейныя законы, альбо прыняты новы нарматыўны акт, перадае БелТА.
«Я не гатовая адказаць, калі канкрэтна можа адбыцца дадзеная карэкціроўка заканадаўства. Але можна лічыць глебу гатовай для таго. каб працаваць далей над тэмай рэгуляваньня ўзаемінаў у гэтай сфэры», — сказала Лілія Ананіч.
Прапагандысты запэўніваюць, што 196 палітвязняў ужо на свабодзе9
Каментары