Супрацоўнікі службы бяспекі аэрапорта Шарм-эль-Шэйха распавялі агенцтву Associated Press пра шматлікія парушэнні пры даглядзе пасажыраў і багажу.
AP
Адна з крыніц агенцтва паведаміла, што паліцэйскія, якія працуюць са сканерамі багажу, за невялікія хабары прапускаюць яго без дагляду. «Не магу вам сказаць, колькі разоў я знаходзіў сумкі з наркотыкамі і зброяй, якія паліцыя прапусціла за 10 еўра або накшталт таго», — паведаміў супрацоўнік аэрапорта.
Сканеры багажу ў аэрапорце Шарм-эль-Шэйха, па словах супрацоўнікаў службы бяспекі, часта не працуюць, прычым гэта адбываецца з прычыны няправільнай эксплуатацыі, а не з-за тэхнічных збояў. «Я бачыў, як іх адключаюць, каб зэканоміць электрычнасць», — распавяла адна з крыніц Associated Press.
Персанал правярае спраўнасць апаратуры толькі перад інспекцыямі, з якімі прыязджаюць замежныя спецыялісты. З дапамогай сканераў, нават калі яны працуюць, даглядаюць толькі частку багажу ў аэрапорце.
Паліва і прадукты харчавання дастаўляюць ў аэрапорт таксама часцяком без праверак. Па словах супрацоўнікаў службы бяспекі, ахоўнікі прапускаюць груз за дробны хабар ці проста таму, што знаёмыя з людзьмі, якія займаюцца дастаўкай.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары