Даследнікі з Універсітэта Макмастэра выявілі ключавы кампанент, з дапамогай якога імунная сістэма спраўляецца з віруснымі інфекцыямі. Адкрыццё дазволіць распрацаваць прышчэпкі ад герпесу, прастуды і нават раку. Даследаванне апублікаванае ў часопісе Nature Immunology.
Важным фактарам у выяўленні інфекцыі ахоўнымі сістэмамі арганізма аказаўся бялок S6K1, асноўныя функцыі якога аказаліся звязаныя з зусім іншымі працэсамі, а менавіта паскарэннем сінтэзу бялку ў рыбасомах і дзяленнем клетак. Бялок S6K1 і бялок STING актывуюць вытворчасць рэгулятарнага фактару інтэрферону 3 (IRF3).
S6K1 быў бракуючым звяном у разуменні навукоўцамі, як інфекцыі актывуюць фактары IRF — малекулы, якія запускаюць сінтэз інтэрферонаў, якія, у сваю чаргу, робяць клеткі неўспрымальнымі да вірусаў.
Увесь ланцужок падзей можна прадставіць наступным чынам. Калі вірус пранікае ў клетку, ён руйнуе абалонку ядра, і ДНК трапляе ў цытазоль. Апошняе з'яўляецца сігналам, які актывуе ахоўныя сістэмы арганізма. З ДНК звязваецца фермент cGAS, які пачынае каталізаваць сінтэз месенджараў — малекул-пераносчыкаў сігналу. Яны актывуюць бялок STING, які звязваецца з S6K1 і ўтварае комплекс, неабходны для працы IRF3.
Навукоўцы выявілі, што S6K1 грае вырашальную ролю ў забеспячэнні імунітэту не толькі супраць вірусаў, але і ракавых клетак. Па словах даследнікаў, рэгуляцыя актыўнасці бялку дазволіць у будучыні ствараць вакцыны, якія будуць больш эфектыўнымі, чым існуючыя.
Раней імуналогіі ўдалося атрымаць антыцелы, якія распазнаюць розныя штамы віруса грыпу і якія могуць стаць асновай для універсальнай вакцыны супраць штогадовых эпідэмій.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары