Сацыёлаг Нікалюк каментуе ролік БТ пра НІСЭПД: «Мяне гэтая фігня не цікавіць»
Учора на тэлеканале «Беларусь-1» выйшаў вялізны сюжэт, прысвечаны працы незалежнага, зарэгістраванага ў Літве сацыялагічнага цэнтра НІСЭПД. Ананімныя аўтары матэрыяла сцвярджаюць, што супрацоўнікі НІСЭПД проста не праводзяць даследаванні.
Было закранутае і пытанне грошай.
«Большая частка сродкаў нават да Беларусі не даходзіла. Часам драбкі ад бюджэту перадаваліся праз адну вядомую тут, у Беларусі, і ў глабальным павуцінні медыяасобу. За адкаты і права першай ночы, дакладней першай публікацыі лічбаў і аналітыкі», — казаў закадравы голас. У гэтае самае імгненне на тэлеэкранах дэманстраваўся твар незалежнага сацыёлага Сяргея Нікалюка.
Мы папрасілі яго пракаментаваць дадзеную сітуацыю.
«Гэтыя расказы пра напісанае на каленках… Разумееце, гэта фігня мяне не цікавіць. Не маю жадання нават каментаваць. Усе лічбы я браў з сайта, з адкрытага доступу.
Мяне цікавіць іншае троху. Давайце уявім, што ўсё сказанае ў рэпартажы праўда. Што НІСЭПД атрымлівае грошы ад амерыканцаў і выдае за іх кошт поўную туфту. Але кожнай хлусні трэба супрацьставіць праўду. Чаму Інстытут сацыялогіі Акадэміі навук, які знаходзіцца на дзяржаўным фінансаванні, не друкуе ніякіх вынікаў апытанняў? Зайдзіце на іх сайт і знайдзіце там свежыя лічбы. Нічога няма!
Я не сумняюся, што ў Інстытуце сацыялогіі працуюць прафесіяналы сваёй справы. Менавіта таму яны не могуць друкаваць фальшывыя лічбы, а сапраўдныя могуць шмат каму не падабацца.
Што тычыцца гэтых папер на каленках, то мяне цікавяць толькі маладыя жаночыя каленкі, і нават, калі на іх напісаныя несапраўдныя лічбы, то мяне гэта мала хвалюе».
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары