У Віцебску двухгадовае дзіця выпала з акна кватэры на сёмым паверсе. Як паведамляе УУС Віцебскага аблвыканкама, няшчасны выпадак адбыўся вечарам 1 жніўня каля 19:30 у адным з дамоў па праспекце Будаўнікоў. У выніку падзення хлопчык з шматлікімі траўмамі быў дастаўлены ў абласную клінічную бальніцу.
У гэтай сувязі УУС Віцебскага аблвыканкама нагадвае ўсім, што падобных трагедыі можна пазбегнуць, калі загадзя прадумаць сістэму абароны. Перш за ўсё неабходна замовіць акно з блакатарам, не будзе лішнім, калі яго ручкі можна замкнуць на ключ, а потым проста выцягнуць яго і прыбраць далей ці насіць з сабой.
Папрасіць усталёўшчыкаў зрабіць дадатковыя зашчапкі уверсе рамы, куды дзіця не дацягнецца, ці замовіць вокны з ручкамі, якія можна здымаць і забіраць з сабой. Важна таксама абмежаваць магчымасць дзіцяці ўзбірацца на падваконнік.
Каментары