Гэты камент прыйшоў у адказ на іншыя пад матэрыялам пра новы відэатрэйлер для турыстаў пра Беларусь.
Сёй-той наракаў, што Беларусь на відэа далёкая ад Беларусі рэальнай. А вось што напісаў чытач Алег:
«20.02.2017 / 13:31
А вы жывіце. Зрабіце вакол сябе такую Беларусь. Шмат сродкаў не трэба.
Як мінімум — выкіньце стары саўковы дыванок са сцяны й шторы. А жырандолю старую. Сцены пафарбуйце. Старую канапу абцягніце ў матэрыял з прыкольным прынтам, фатэлі й зэдлікі адшліфуйце ну й г.д.
Прадай аднушку ў Менску, у Шабанах, і набудзь прыгожы дамок пад Валожынам, у цудоўных мясцінах і жыві сабе заможней, чым у гэтым квадраціку.
Рабі там паціху рамонт. Тэрыторыю да ладу даводзь. Шмат грошай не трэба. Машынку набудзь. Недарагую, але зрабі з яе ляльку: у чорны пафарбуй, дыскі нармалёвыя зрабі, глянцам абдай, рухавік перабяры ў знаёмых. Ды катайся сабе ў Менск да работы. А ўвечары назад, да хаты, да прыроды. Адпачываць. Здаравейшы ж будзеш! Што, складана? Ці проста ў падлу? Так палова Еўропы жыве і палова хоча гэтак. У нас во, за капейкі нерухомасць можна набываць.
Прадай шабаноўскую аднуху — пабудуй Беларусь».
Што вы думаеце пра такі план «пабудовы Беларусі»? Абмяркоўвайце!
А вось і той ролік, які выклікаў абмеркаванне.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю8
Каментары