Кіраўнік французскіх крайне левых Жан-Люк Мэляншон запэўніў, што не збіраецца галасаваць за «Нацфронт», і што ў яго руху «Няскораная Францыя» няма нічога агульнага з крайне правымі.
«Няма ніякага сумневу ў тым, што мы ёсць, мы — палітычны рух, які не мае нічога агульнага з крайне правымі», - заявіў Мэляншон на сваім канале ў YouTube.
«Ці ёсць сярод вас хоць адзін чалавек, які сумняваецца ў тым, што я не буду галасаваць за «Нацыянальны фронт»?», - задаў ён пытанне сваім гледачам у YouTube, аднак зноў адмовіўся раіць сваім прыхільнікам за каго галасаваць і не паведаміў, як прагаласуе сам.
«Я вам не патрэбен, каб зразумець, што вам рабіць, я не гуру», — працягнуў ён.
Па словах Мэляншона, Эманюэль Макрон прадстаўляе інтарэсы фінансавых колаў, «аднак спадарыня Лё Пен яшчэ горш: яна будзе рыцца ў пялюшках, высвятляючы хто француз, а хто — не».
Жан-Люк Мэляншон заняў чацвёртае месца па выніках першага тура. За яго аддалі свае галасы 19,6% выбаршчыкаў. Перад другім турам выбараў Марын Лё Пен і Эманюэль Макрон спрабуюць перацягнуць на свой бок электарат Мэляншона.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары