Па выніках разгляду апеляцый групы расіянаў Спартыўны арбітраж у Лазане (CAS) вырашыў цалкам зняць санкцыі з 28 атлетаў, яшчэ ў дачыненні да 11 чалавек пакаранні змякчылі. Слуханні яшчэ па трох справах адкладзеныя.
У дачыненні да ўсіх 28 расіянаў, цалкам апраўданых CAS, анулявана рашэнне аб пажыццёвым адхіленні ад удзелу ў Алімпійскіх гульнях за парушэнне антыдопінгавых правілаў на Алімпіядзе ў Сочы, якое вынес Міжнародны алімпійскі камітэт (МАК) па выніках расследавання камісіі Дэніса Освальда. Яна займалася пераправеркі допінг-пробаў расіян з Гульняў у Сочы.
CAS таксама аднавіў вынікі апраўданых спартсменаў, якія яны паказалі на Алімпіядзе ў Сочы. У дачыненні да яшчэ 11 спартсменаў прынята рашэнне аб іх частковай рэабілітацыі, яны змогуць удзельнічаць у Алімпіядах, але павінны будуць прапусціць Гульні ў Пхёнчхане.
Сярод цалкам апраўданых: бабслеісты Дзмітрый Трунянкоў, Аляксей Негадайла, скелетаністы Аляксандр Траццякоў, Сяргей Чудзінаў, лыжнікі Аляксандр Лягкоў, Яўген Бялоў, Максім Вылягжанін, Аляксей Петухоў.
Адкладзеныя слуханні па справах біятланістак Вольгі Зайцавай, Вольгі Вілухінай і Яны Раманавай.
Рашэнне CAS не азначае аўтаматычнага траплення адноўленых у правах спартсменаў на Алімпіяду, падкрэсліў у гутарцы з РБК кіраўнік камісіі Асацыяцыі юрыстаў Расіі па спартыўным праве Сяргей Аляксееў.
«Паміж рашэннем суда і запрашэннем на Алімпіяду няма прамой сувязі. Гэта застаецца на рашэнне камісіі МАК», — растлумачыў ён.
Цяпер чытаюць
У Мінску адкрылі першы дыяганальны пешаходны пераход1
У Мінску адкрылі першы дыяганальны пешаходны пераход
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары