Міністр па пытаннях гуманітарнай дапамогі і бежанцаў у Польшчы Беата Кемпа заявіла, што ў краіне знаходзяцца ўжо больш за 2 мільёны ўкраінскіх імігрантаў, паведамляе Super Express.
«Паводле нашых ацэнак, украінцаў у Польшчы ўжо можа быць больш за 2 мільёны. Вядома, многія з іх тут у сувязі з канфліктам ва Украіне.
Гэта таксама аргумент, які мы прадставім у Еўрапейскую камісію, чаму мы не прымалі бежанцаў падчас папярэдняга размеркавання (праграмы ЕС па перасяленні мігрантаў. — Рэд.)», — заявіла Кемпа.
Міністр падкрэсліла, што Польшча не мае праблем з нелегальным наплывам украінскіх імігрантаў і дадала, што ўкраінцы станоўча паўплывалі на рынак працы. «Яны працуюць адказна. Беспрацоўе знізілася да рэкорднага ўзроўню», — патлумачыла яна.
Але, заўважае Кемпа, украінцы павінны прыняць да ўвагі, што Польшча не пагодзіцца на «няправільныя коды памяці».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары