Здаецца, зусім нядаўна «Наша Ніва» і Samsung Galaxy A8|A8+ абвясцілі пра старт конкурсу «Навучы бабулю рабіць сэлфі», як ужо застаецца ўсяго тыдзень да сканчэння прыёму вашых фотаздымкаў. Пасля — галасаванне і абранне пераможцы.
І вы ўсё яшчэ можаце паспець паўдзельнічаць! Для гэтага трэба прадэманстраваць бабулі ці дзядулі, як працуе камера і як рабіць сэлфі, ды падзяліцца здымкам, што ў іх атрымаецца, у сацсетках з хэштэгамі #nn_A8belarus #samsungbelarus.
Больш падрабязныя правілы конкурсу
Канкурэнцыя за галоўныя прызы ўзмацняецца, днямі мы атрымалі яшчэ пяць фотагісторый. Абраць з іх тры самыя-самыя журы будзе вельмі складана — гэта стала зразумела ўжо даўно.
Уявіце сабе, што гэтаму герою фотаздымка, Уладзіміру Ігнатовічу, 95 год і ён прайшоў усю вайну, на якой быў кулямётчыкам. Варожыя кулі абыходзілі яго бокам, а цяпер бокам абыходзіць і старасць. Уладзімір Якаўлевіч здольны хадзіць без кійка, а кожны свой дзень апісвае ў дзённіку. Сэлфі засвоіў без праблем. «Проста глядзіш, як у люстэрка», — пракаментаваў спадар Уладзімір.
А вось Аляксандра Шчэмер — сапраўдная зорка свайго роднага Барысава. У мінулым доктарка, сёння яна не толькі спявае ў народным хоры, але і актыўна заўзее за футбольнае БАТЭ. А яшчэ Аляксандра Дзмітрыеўна неабыякавая да парадку: дзякуючы ёй у двары чыста, а мясцовыя кіроўцы паркуюцца па правілах.
Фота ад Яніны Медушэўскай прыляцела да нас з прывітаннем з Гродзешчыны — з вёскі Далматаўшчына Карэліцкага раёна. Яніна Іванаўна доўгі час працавала на ферме, даіла кароў, даглядала цялят. Вельмі любіць чытаць. І не толькі класіку, а, напрыклад, Альгерда Бахарэвіча. Унучка Вераніка дзякуе бабулі за ўсё: «Яна навучыла нас працаваць, паважаць зямлю і асабліва хлеб. Да гэтага часу не падымаецца рука выкінуць хоць акрайчык у сметніцу».
Ірына Макеева хоць і пражыла большую частку жыцця ў горадзе, цяпер абрала для сябе вёску. І не шкадуе. Кожнае лета яна на агародзе, каб парадаваць родных свежай смачнай гароднінай. Дзякуючы вясковаму ладу жыцця, кажуць унукі, жанчыне ўдалося захаваць прыгожую беларускую гаворку.
Аляксандры Хохрынай з Мінску — 94 гады. Жыццё ў яе было такое цікавае, што ўнукі і праўнукі хочуць напісаць пра яго кнігу. «Былі б у гэтай кніжцы старонкі болю і пакут, звязаныя з галадаморам ва Украіне, калі з 7 чалавек у сям’і жывая засталася толькі яна. Былі б і старонкі вандраванняў. Старонкі стойкасці, калі давялося перажыць тыф і малярыю. Старонкі спачування і дапамогі — аб працы ў саратаўскiм вайсковым шпіталі з параненымі. Старонкі пачэснай працы ў легендарным мінскім універсаме «Цэнтральны»…». Прайшоўшы праз усё гэта, Аляксандра Емельянаўна не згубіла пачуццё гумару. «Вы выглядаеце на ўсе 100!», — кажуць ёй. «Не, усяго на 94», — адказвае яна.
Вось такая пазітыўная і жыццелюбівая атрымалася новая пяцёрка ўдзельнікаў конкурсу. Далучайцеся і вы! Нагадаем, што самага крэатыўнага аўтара сэлфі чакаюць адразу два смартфоны: Samsung Galaxy A8 і Samsung Galaxy A8+.
Глядзець сэлфі ўсіх удзельнікаў конкурсу
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?6
Каментары