60‑гадовую суддзю з Оршы, датычную да палітычных рэпрэсій, выгналі за сур’ёзны залёт
Іна Кохава звольненая за «правіну, несумяшчальную са знаходжаннем на дзяржаўнай службе».
Адпраўленая ў адстаўку суддзя Аршанскага раёна і Оршы Іна Кохава. Адпаведны ўказ падпісаў Аляксандр Лукашэнка. Прычынай называецца ўчыненне правіны, несумяшчальнай са знаходжаннем на дзяржаўнай грамадзянскай службе.
Кохава ўдзельнічала ў рэпрэсіях мінімум з 2011 года. У базе праваабаронцаў больш за 10 вынесеных ёй рашэнняў па палітычных адміністратыўных пратаколах і 5 прысудаў па палітычных крымінальных справах. Аднак спіс далёка не поўны: Кохава адказвала і за дадатковае пакаранне палітвязняў, якіх утрымлівалі ў калоніі строгага рэжыму ў Оршы, яна пераводзіла іх на турэмныя ўмовы. У прыватнасці, у лютым 2025 года Кохава судзіла анархіста Аляксандра Францкевіча.
Максімальны дазволены ўзрост для суддзі судоў агульнай юрысдыкцыі — 65 гадоў. Кохаву выставілі ў 60 гадоў.
Каментары