«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
Канфлікт у цэнтры Мінска з-за кінутага на тратуар недакурка, які перарос у абразы, абмяркоўваюць у тыктоку. Малады музыкант Леў Беларусаў зрабіў заўвагу мужчыну, што той смеціць, а ў адказ атрымаў агрэсію і абразы.
Здарэнне, якое зафіксаваў на відэа малады беларускі выканаўца Леў Беларусаў, адбылося на пешаходным пераходзе на Нямізе.
Як расказвае хлопец, мужчына, якога ён апісаў як «нярускага», спачатку стрэс попел ад цыгарэты яму на абутак, а потым выкінуў недакурак проста на тратуар, які літаральна хвіліны таму прыбраў дворнік.
Давайте ценить труд тех кто делает наш город чище
Спачатку ветлівая заўвага Льва: «Браце, ты ў нас у Беларусі. Паднімі, калі ласка, у нас так не прынята», — выклікала імгненную і агрэсіўную рэакцыю.
Спадарожніца мужчыны, жанчына старэйшага веку, адразу ж агрызнулася: «Колькі іх валяецца, бычкоў, блін!». Яе аргументам стала тое, што смецяць усе. Леў Беларусаў парыраваў: «Дык падымі і выкіні!».
Калі хлопец гучна запатрабаваў, каб яна падняла і выкінула недакурак, у канфлікт уключыўся сам мужчына, які адказаў абразай: «Я тваю маму я*аў». Жанчына спрабавала адвесці свайго агрэсіўнага спадарожніка, каб ён не нарабіў яшчэ большай бяды.
Асобу мужчыны з высокай ступенню імавернасці ўдалося ідэнтыфікаваць як ураджэнца Алтайскага края Расійскай Федэрацыі.
«Не дамо загадзіць нашу Беларусь»
Ролік у TikTok набраў тысячы каментароў, пераважная большасць якіх была ў падтрымку аўтара. Карыстальнікі дзякавалі хлопцу за грамадзянскую пазіцыю і абураліся паводзінамі госця сталіцы.
«Малайчына!!! Нельга такое ігнараваць!», «Хлопец, ты супер, не дамо загадзіць нашу Беларусь», «Калі ў нас такая моладзь, то я спакойная за сваю старасць», «Ключавыя словы: «У нас так не прынята», — пішуць у каментарах.
Многія адзначылі, што падобная манера паводзін з боку прыезджых становіцца ўсё больш заўважнай. «У нас у краме яшчэ горш, іх столькі развялося, асабліва ў Бараўлянах, абразы ад кожнага», — дзеліцца адна з карыстальніц.
Сам аўтар відэа, Леў Беларусаў, у каментарах заклікаў: «Давайце цаніць працу тых, хто робіць наш горад чысцейшым».
«Наша Нiва» — бастыён беларушчыны
ПАДТРЫМАЦЬ
Каментары
Дык усё ў парадку, мужык та не рускій, вось рускій мужык так бы не зрабіў…
У прынцыпе, пачатак варты ўхвалы.
Справа за малым - звольніцца з завода, які абслугоўвае маскальскае войска, не хадзіць на канцэрт маскальскай і мясцовай халуйскай папсы, паціху адмовіцца ад маскальскай мовы...