За кожны поўны месяц рэпрэсій яны атрымаюць па 200 злотых (больш за 46,5 еўра).
Анджэй Дуда ўнёс у Сэйм праект закону па прадастаўленьні грашовай дапамогі грамадзянам, якія ў 1939-1956 гадах былі дэпартаваныя ў СССР, паведамляе Польскае радыё.
Законапраект прадугледжвае выплату пацярпелым дапамогі ў памеры, які будзе залежыць ад часу ссылкі. За кожны поўны месяц рэпрэсій яны атрымаюць па 200 злотых (больш за 46,5 эўра). Агулам дапамога не павінна быць меншая чым 2 400 злотых (амаль 559,5 эўра).
Пра памер грашовай дапамогі, якую можа атрымаць дадзены грамадзянін, будзе вырашаць Фонд сацыяльнага страхаваньня.
Дапамогай змогуць скарыстацца як дэпартаваныя, так і тыя, хто нарадзіўся ў выгнаньні.
Для таго, каб атрымаць дапамогу, ссыльным неабходна будзе выканаць пэўныя ўмовы.
Па-першае, яны павінны прадаставіць адпаведнае пасьведчаньне аб тым, што былі дэпартаваныя й знаходзіліся ў выгнаньні. Па-другое, у момант падачы заявы на атрыманьне дапамогі яны павінны мець польскае грамадзянства.
Цяпер чытаюць
У Мінску адкрылі першы дыяганальны пешаходны пераход1
У Мінску адкрылі першы дыяганальны пешаходны пераход
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары