Міністр замежных спраў Расіі Сяргей Лаўроў заявіў у інтэрв'ю газеце «Московский комсомолец», што асцярогі за незалежнасць Беларусі дарэмныя:
— Вядома, падобныя асцярогі не апраўданыя. Мы не можам займаць такую пазіцыю ў адносінах да братняга беларускага народа. Мы нічога асаблівага не дамагаемся. Хочам, каб спадзяванні расіян і беларусаў, якія ў свой час былі ўвасоблены ў саюзным Дагаворы, рэалізоўваліся на практыцы. Калі зараз настроі ў нашых грамадствах патрабуюць якіх-небудзь дадатковых крокаў, то мы да гэтага гатовыя. Прэзідэнт Расіі Уладзімір Пуцін, сустракаючыся некалькі раз у канцы мінулага і пачатку гэтага года з прэзідэнтам Беларусі Аляксандрам Лукашэнкам, дамовіўся, каб спецыялісты селі і паглядзелі, як дадаткова развіваць нашы інтэграцыйныя працэсы, такія ўдакладненні трэба ўнесці ў саюзны Дагавор у той ці іншы бок. Такая праца цяпер вядзецца. У нас ухвалены дакумент — прыярытэтныя напрамкі і першачарговыя задачы развіцця Саюзнай дзяржавы на 2018-2022 гг. Там ідзе гаворка пра вельмі простую задачу — выраўняць умовы для эканамічнага супрацоўніцтва і для звычайных грамадзян. Напрыклад, у Беларусі ёсць розніца ў кошце санаторных паслуг для сваіх і замежнікаў. Па саюзнай Дамове гэта цяпер выраўноўваецца. Падобныя рэчы зараз робяцца для людзей, каб адсутнічала розніца ў тым, як яны сябе адчуваюць у Расіі і Беларусі. Напэўна, гэта і ёсць самы галоўны крытэр адзінства нашых краін.
Каментары