У праваслаўных сёння вялікае свята — Дабравешчанне. Гэты дзень лічыўся пачаткам вясны
Праваслаўныя вернікі сёння адзначаюць адно з самых вялікіх святаў — Дабравешчанне Прасвятой Багародзіцы.
Гэтае свята ўстаноўлена ў памяць пра падзею, калі архангел Гаўрыіл, пасланы Богам у горад Назарэт, апавясціў Дзеву Марыю аб бязгрэшным зачацці і нараджэнні ёю Сына.
Слова «дабравешчанне» азначае «добрая, радасная вестка», вестка пра тое, што пачалося вызваленне чалавечага роду ад граху і вечнай смерці.
Дабравешчанне таксама супадае ў народным уяўленні з пачаткам вясны. Што праўда, цёплае надвор'е трымаецца ўжо больш за тыдзень.
Таксама па сённяшнім дні меркавалі, якім будзе лета. Калі цёпла, што і лета будзе цёпла. Сёння ж будзе цёпла.
Таксама лічылася, што ў гэты дзень нельга працаваць, тым больш у гародзе. «Дзеўка касу не пляце», — казалі ў народзе.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю5
Каментары