Аляксандр Лукашэнка заклікаў расійскіх палітыкаў не перажываць з нагоды яго заяў аб суверэнітэце. Пра гэтым кіраўнік дзяржавы заявіў падчас суботніка, паведамляе БелТА.
Чытайце. Лукашэнка: Хто паспрабуе знішчыць Беларусь, атрымае адказ ад моладзі + ВІДЭА бурнай рэакцыі Марзалюка
«Там ўнутраны фактар і знешні [у гэтым выказванні]. Гэтая тэма актуальная. І калі я звярнуўся да яе, я проста вырашыў такім чынам сваімі думкамі [падзяліцца], за якія я перыжываю. Можа, нават узмацніць, зрабіць акцэнт на гэтым», — патлумачыў Лукашэнка.
Паводле яго слоў, унутраны аспект быў звязаны з тым, што часам выказваюцца здагадкі, быццам бы Лукашэнка ці яшчэ хтосьці хочуць уключыць Беларусь у склад якой-небудзь дзяржавы.
«Калі Лукашэнка гэта зробіць, ён будзе пракляты народам. Гэта тычылася унутранага боку пытання, — сказаў кіраўнік дзяржавы. — Што тычыцца знешняга, гісторыя ведае, колькі было выпадкаў, калі сілай тую ці іншую дзяржаву ўключалі ў склад іншай дзяржавы. Таму гэта быў і знешні акцэнт, што калі хтосьці асмеліцца, атрымае адпор».
«Дарма перажываюць некаторыя палітыкі, асабліва ў Расіі. Я атрымаў усю гэтую інфармацыю: ах, гэта супраць Расіі. Фразы гэтыя былі накіраваны супраць тых, хто паспрабуе гэта зрабіць. Гэта па-першае. Па-другое, наколькі я разумею, шчыра кажу, Расія — гэта, можна сказаць, аплот і нашага суверэнітэту. Не дай бог нешта здарыцца, я да гэтага часу лічу, што мы з Расіяй будзем у акопах разам. Таму не трэба перажываць некаторым у Расіі палітыкам і браць на сябе вось гэтыя фразы, як быццам яны адрасаваныя Расіі», — падкрэсліў Лукашэнка.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары