«Вінаватыя абодва бакі», — так ахарактаразаваў газавы крызіс паміж Расіяй і Ўкраінай прэм’ер-міністр Чэхіі Мірэк Тапалянэк. А старшыня Еўракамісіі Жазэ Мануэль Барозу прыгразіў дзвюм краінам судом.
«Вінаватыя абодва бакі», — так ахарактаразаваў газавы крызіс паміж Расіяй і Ўкраінай прэм’ер-міністар Чэхіі Мірэк Тапалянэк, выступаючы ў Еўрапейскім парламенце. Чэхія зараз старшынствуе ў ЕС.
Тапалянэк зазначыў, што адна краіна не пускае газ, а другая не хоча займацца транзітам.
Старшыня Еўракамісіі Жазэ Мануэль Барозу нават пагражае Расіі і Украіне позвамі ў суд, калі дастаўкі газу ў Еўропу не будуць адноўленыя, перадае польскае радыёстанцыя Радыё Зэт.
Венгерская кампанія «Эмфез», што кантралюе прыкладна 20% газавага рынку Венгрыі, падала два пазовы супраць НАК «Нафтагаз Украіны» за зрыў паставак расійскага газу.
13 студзеня Расія аднавіла пастаўкі газу ў Еўропу па тэрыторыі Украіны, аднак праз некалькі гадзін зноў прыпыніла іх, абвінаваціўшы Украіну ў блакаванні руху. Бакі не здолелі дамовіцца аб умовах транзіту. Кіеў патрабуе 20 млн. кубаметраў паліва ў дзень для забеспячэння тэхналагічных патрэб, дадае БелаПАН.
14 студзеня ў Маскву і Кіеў для перамоў прыбудуць прэм'еры Балгарыі і Славакіі — дзвюх краін ЕС, якія сур’ёзна церпяць ад адсутнасці расійскага газу.
Цяпер чытаюць
Сталі вядомыя падрабязнасці крушэння мотадэльтаплана пад Мінскам1
Сталі вядомыя падрабязнасці крушэння мотадэльтаплана пад Мінскам
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары