Беларусі і ЕС трэба сесці за стол перамоваў і вызначыцца, як спрасціць праходжанне мяжы. Пра гэта заявіў сёння журналістам міністр замежных спраў Уладзімір Макей, паведамляе БелТА.
«Гэта адна з нашых шматлікіх прапаноў, якая звязана з палягчэннем рэжыму праходжання нашай сумеснай мяжы з Еўрапейскім саюзам. Што для гэтага трэба? Патрэбна перш за ўсё гатоўнасць абодвух бакоў», - падкрэсліў Уладзімір Макей.
Ён адзначыў, што азнаёміўся з водгукамі на форумах адносна гэтага пытання: хтосьці адзначае праблемы з беларускага боку, але пераважная большасць выказваецца аб затрымках з боку еўрапейскіх суседзяў. «Трэба проста сесці за стол перамоваў і вызначыцца, што нам трэба для таго, каб і перавозчыкі, і звычайныя грамадзяне праходзілі гэтую мяжу ў нармальным рэжыме, каб не было такога, што людзі чакаюць па 10-15 гадзін, а то і суткі, асабліва калі гэта прыходзіцца на святы», — лічыць міністр.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску12
Каментары