У Расіі навуковец-удмурт спаліў сябе ў знак пратэсту супраць русіфікацыі
Перад будынкам дзяржрады Удмуртыі быў здзейснены акт самаспалення. Абліў сябе бензінам і падпаліў Альберт Разін, былы дырэктар Інстытута чалавека Удмурцкага дзяржаўнага ўніверсітэта.
Так навуковец пратэставаў супраць русіфікацыі ўдмуртаў у Расіі, піша сайт udm-info.ru.
З сабой у яго быў плакат са словамі Расула Гамзатава: «Если завтра мой язык забудут, я готов сегодня умереть».
Вось тэкст ягонай петыцыі:
З апёкамі 100% цела Альберт Разін быў дастаўлены ў бальніцу, дзе амаль адразу памёр.
Удмуртаў — каля 600 тысяч. Іх лёс — тыповая доля каланізаваных народаў.
Яшчэ ў 1926 годзе яны складалі 52% насельніцтва Удмуртыі. У 1939 годзе — ужо толькі 39%. Сталін абраў Прыўралле ў якасці цэнтра абароннай прамысловасці.
На сёння ўдмуртаў ва Удмуртыі — 28%. Але ў нацыянальным парламенце дэпутатаў-удмуртаў толькі 11%.
У Расіі навучанне на мовах нацыянальных меншасцяў абмежавана да крайнасці. Нацыянальную мову вывучаюць пераважна ў вёсках, і ўсё менш, сучасных СМІ на ўдмурцкай мове няма.
Чытайце таксама: Удмурцкая культура? «Узы-боры»
«Калі ўдмурт ідзе на канцэрт удмурцкіх песняў, ён плача»
У Расіі хочуць канчаткова выкінуць нацыянальныя мовы са школьнай праграмы
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску12
Каментары