16—19 лютага адбудзецца візіт у Беларусь дэлегацыі Парламенцкай асамблеі Рады Еўропы (ПАРЕ).
Як паведамляе прэс‑служба ПАРЕ, дэлегацыю ўзначальвае старшыня Палітычнага камітэта асамблеі Горан Ліндблад. У яе складзе старшыня падкамітэта ПАРЕ па Беларусі Сініка Хурскайнен і дакладчык Парламенцкай асамблеі па сітуацыі ў Беларусі Андрэа Рыгоні.
Еўрапейскія палітыкі маюць намер абмеркаваць з беларускімі ўладамі перспектывы далейшага дыялогу з Радай Еўропы і ПАРЕ ў галіне дэмакратыі, правоў чалавека і вяршэнства закона.
У ходзе візіту адбудуцца сустрэчы прадстаўнікоў еўраструктуры са старшынямі абедзвюх палат Нацыянальнага сходу Беларусі, кіраўніцтва Адміністрацыі прэзідэнта, міністэрстваў замежных спраў, юстыцыі, інфармацыі і адукацыі, генеральным пракурорам, старшынямі Вярхоўнага і Канстытуцыйнага судоў.
Запланаваныя таксама сустрэчы з прадстаўнікамі апазіцыі і грамадзянскай і міжнароднай супольнасці.
Прадстаўнікі ПАРЕ наведаюць будучы інфармацыйны цэнтр Рады Еўропы ў Беларускім дзяржаўным універсітэце ў Мінску.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары