Двое маладзёнаў абяцалі пастаўляць лазні з Расіі. Падманулі 60 чалавек на фантастычную суму
У Фрунзенскае РУУС Мінска паступіла больш за 60 заяў ад грамадзян, якія не дачакаліся выканання абавязацельстваў ад прадпрыемства «Альберыум Лад» па вырабе лазняў, паведамляе ў сваім тэлеграм-канале афіцыйны прадстаўнік МУС Вольга Чамаданава.
35-гадовы мінчук і 28-гадовы жыхар Гомеля ў 2018 годзе стварылі сайт, аналагічны вядомаму расійскаму брэнду. Яны пазіцыянавалі сябе яго афіцыйным дылерам на тэрыторыі Беларусі, які прапануе пастаўку лазняў з Расіі коштам ад 6.000 да 24.000 даляраў ЗША.
Усе заказы прымаліся з поўнай або частковай перадаплатай. У самым пачатку сваёй дзейнасці і аж да сакавіка 2019 года прадпрыемства заказы выконвала. А затым перастала — але заказы прымала.
У выніку такой дзейнасці пацярпелым нанесена шкода на 400.000 беларускіх рублёў.
Дзядок расказаў, як паводзіў бы сябе ў сённяшняй Беларусі і што будзе далей5
Каментары