Падчас удару Ірана 8 студзеня па базе Айн-эль-Асад на тэрыторыі Ірака былі кантужаныя 11 амерыканскіх вайскоўцаў. Пра гэта паведаміў у чацвер партал Defense One.
Паводле яго крыніц у Пентагоне, пацярпелыя на гэтым тыдні былі дастаўленыя ў вайсковы шпіталь у Германіі для абследавання.
У штабе аперацыі «Непахісная рашучасць», якую праводзіць у Іраку і Сірыі група краін на чале з ЗША, у цэлым пацвердзілі інфармацыю крыніц выдання. «Як было заяўлена раней, ніводны вайсковец ЗША не быў забіты. Усё ж некалькім вайскоўцам была аказана дапамога ў сувязі з сімптомамі кантузіі ад выбуху, іх усё яшчэ абследуюць», - цытуе выданне словы афіцыйнага прадстаўніка штаба аперацыі палкоўніка Майлса Кэгінса.
Каментары