Парламент Грэцыі прагаласаваў у сераду за кандыдатуру Кацярыні Сакеларопулу на пасаду прэзідэнта краіны. Пра гэта сведчыць падлік пададзеных за яе галасоў, піша ТАСС.
Яна была абраная ўжо ў першым туры. Яе кандыдатуру падтрымалі 261 парламентарый з 294 прысутных (патрабавалася 200 галасоў).
Да апошняга часу Сакеларопулу была старшынёй Дзяржаўнага савета — Вярхоўнага адміністрацыйнага суда.
Дзякуючы галасам, пададзеных за яе дэпутатамі кіруючай правацэнтрысцкай партыяй «Новая дэмакратыя», галоўнай апазіцыйнай партыі Кааліцыя радыкальных левых сіл СІРЫЗА і левага «Руху пераменаў», Сакеларопулу стала першай жанчынай на найвышэйшай дзяржаўнай пасадзе ў гісторыі краіны.
Упершыню прэзідэнт у Грэцыі быў абраны ў 1828 годзе (г.зн. у ХІХ стагоддзі).
Кандыдатуру 63-гадовай Сакеларопулу прапанаваў прэм'ер-міністр Грэцыі Кірыякас Міцатакіс, хоць яна і не належыць да правацэнтрысцкай палітычнай групоўкі. Па словах прэм'ера, «Сакеларопулу — выдатны юрыст па міжнародных справах, судовы работнік з бліскучай кар'ерай ў Вярхоўным судзе, дзе стала першым старшынёй-жанчынай, прычым паводле прапановы папярэдняга прэм'ер-міністра [Алексіса Цыпраса]».
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары